Stop COVID 19

Seguimos recibindo traballos dos pequenos. Este é  de Jhon E. recomendando quedar na casa

                                             e de Maeba insistindo en toser na manga!

Stop COVID 19

  Siguen chegando as imaxes que me ides enviando dos nosos pequechos. Aquí está o mural que fixo Ainhoa con axuda e dirección artística de Iván.   Esto ímolo parar!

e máis de Martín! STOP COVID 19

Recursos EDUCLAN

EDUCLAN  é unha iniciativa que ofrece ás familias recursos educativos moi interesantes que complentan os seus productos de entretemento durante a suspensión das clases. Está coordinada polo Ministerio de Educación e de Formación Profesional a traves do INTEF (Instituto Nacional de Tecnoloxías Educativas e de Formación do Profesorado) e coa colaboración de moitas editoriais.

PREMEDE NA IMAXE

 

O que está nas nosas máns!

  Así, poñendo cada un o que está nas súas máns, é como imos saír de esto!. Aquí está Martín sacando músculo e animando!

Nós quedamos na casa!

  Na web do cole xa se colgaron os carteis animando a quedarse na casa que fixeron os maiores de primaria o outro día. Como vos dixen na entrada anterior (onde tamén había cancións e vos propuxen varias actividades), vou subir os carteis ou debuxos que me enviedes. Aquí vai o que nos mandou Martín!

 

  Este é un enlace a un video que nos mandou Sandra do conto de Fréderick, o rato poeta. É un libro precioso de Leo Lionni editado por Kalandraka que fala da importancia da poesía e dos poetas sobre todo nos momentos de crisis coma este. 

Por nós, por todos: os nenos e o coronavirus

   Para que os nenos pasen estos días de aillamento polo coronavirus, quero compartir con vos algunhas das iniciativas que andan estos días por internet. Seguro que xa as vistes! E tamén irei colgando algunhas das actividades que fixemos estes días pasados e que aínda non subira. Unha aperta e un bico a tódos! Coidádevos moito, que todo vai ir ben!

ACTIVIDADES: 

Pegar dibuxos nas ventás para que vexan que en outras casas viven nenos que están pasando polo mesmo. Póñovos un que xa me mandaron da clase. É de Maeba. Se queredes mandádemos e subireinos, será un xeito de que vexan o que fan os seus amigos!. Unha ventá virtual.

  Facer letreiros  nas ventás animando a todos na campaña de QUÉDATE NA CASA. Por nós, por todos!

  Hai un xogo que consiste en pintarlles un dibuxo nas máns e darlles un premio cando consigan borralo ao rematar o día, xa que eso significará que se lavaron moi ben.

Tamén vos poño unhas cancións que como xa fixemos na clase nos ensinan o xeito correcto e a importancia de lavar as mans.

lávate las manos... DESPACITO

WASH YOUR HANDS!

Día da muller traballadora

  O venres conmemoramos o día da muller traballadora que se celebra o domingo 8 de marzo. No cole repartimos pulseras para todos, nenas, nenos, profes e todo o personal e falamos do que significa este día. Falamos dos traballos que fan as mulleres e sobre todo das mulleres traballadoras que eles coñecen. Primeiro saíron as mamás, pero tamén avóas, tías, veciñas, profes e elas mismas!

E aquí están as nosas pequenas mans traballadoras: xuntas, nenas e nenos! 

 

 

  E esta fermosa imaxe que nos mandou Maeba ensinandolle a súa pulsera a mamá e transmitindo a mensaxe!

Rosalía a través dun cadro de Abi Castillo

  Para conmemorar o DÍA DE ROSALÍA os nenos e nenas da clase fixemos un cadro quebracabezas xigante a partir dunha obra de outra muller, a artista viguesa Abi Castillo, do que nos encantou o seu simbolismo e colorido. 

  Co programa Posteriza fixémolo en moitas pezas de tamaño folio para que todos  pudésemos facer un anaco.

 

  Quitámoslle as cores e démoslle as nosas. Como foi un traballo en equipo tamén tiñan que coordinarse co que tiña a peza do lado.  Destacamos a mirada e o corazón de Rosalía, que medrou en Ortoño vendo regatos pequenos, fontes, rios, arboredas, paxariños piadores, pinares que move o vento...

 

 Este foi o resultado:

 

Bufariñento: o pitiño de Camilo José Cela

    A derradeira semana de xaneiro tivemos na clase a maleta de Camiliño Josesiño, que era o nome que súa nai lle daba de pequeno a Camilo José Cela. Premede AQUÍ para ver en que consisteu esta actividade. Unha das cousas que fixemos despois de ver a maleta foi contarlles a historia do pitiño Bufariñento (Papeis de Iria) que sufreu todo tipo de desgracias e a quen coidou Camilo cando era neno. Aquí están os nosos pitiños:

Festa de Antroido

   O venres 21 celebramos a festa do Antroido no cole, viñemos todos disfrazados e xuntámonos no patio de atrás de primaria para o baile. Despois volvimos a clase e merendamos os postres típicos destas datas. Fixemos unha sesión de fotocall e vimos un taller de batucada dos maiores de primaria. e xogamos no patio vestidos dos nosos personaxes favoritos. 

 

   E pasámolo moi ben! 

Aínda que botamos de menos a todos os que estaban enfermos e non puderon vir.

Os mandadiños do Meco

  Como cada ano os alumnos de infantil  seguimos os mandadiños do Meco, que nos deu instruccións para vir ao cole durante a semana do Antroido. Pasámolo moi ben, aínda que botamos de menos a moitos compañeiros que estiveron enfermos estos días e non puderon compartir con nós estos momentos.  (Na seguinte entrada porei os disfraces cos que viñeron o venres). Moitas gracias a todos por participar nesta actividade!