Hai uns días os nenos levaron a casa os zapatos que estivéramos a pintar na clase. Todo parteu dunha conversa sobre os diferentes materiais que se poden usar para pintar (papel continuo, folios, barro, pasta, madeira, teas etc...),e dunha viñeta que hai tempo tiña gardada. A partir de eso ocurreusenos pintar uns zapatos de cando os nenos eran pequenos. O proceso foi bastante longo, xa que aínda que parece sinxelo, non o era tanto: o papel revirábasenos e facía bolas engurruñadas, tíñamos que calcular a cantidade de cola suficiente para darlle consistencia e que non fose demasiado blanda, acabábamos cos dedos pegañentos, o latex mancha máis do que parece se non temos coidado, houbo que protexer as mesas, tivemos que mercar máis cor rosa e maxenta, os zapatos non daban secado e tivemos que poñelos nas ventás do piso arriba ao sol .... E logo, claro, loitar coa impaciencia do ¿cando me toca a mín? Porque, por suposto, se nos poñemos os 25 a pintar á vez, ou todos xuntos coa cola... o resultado seguramente sería outro... En fin, o día a día cotiá en calquer clase de infantil. Pero, pouco a pouco, foise solucionando todo e por fin rematamos. Os zapatos foronse transformando nas máns destes pequenos artistas. Espero que vos gustasen xa que, como veredes nas fotos, puxeron toda a súa atención e esforzo no traballo. Penso que lles gustou tanto o proceso creativo como os resultados e algún xa pensou en outras superficies para pintar...
En estas powerpoints podedes ver como traballamos e como nos quedaron todos os zapatos.
O PROCESO
O RESULTADO
Como curiosidade final, podemos destacar que esta actividade desenvolveu nos pequenos unha actitude de artistas "comprometidos coa súa obra" (máis ben agarrados a ela) que nos fixo sorrir máis dunha vez: xa que cando alguén chegaba á clase, lles alababa o traballo e lles pedía de broma algún dos zapatos... enseguida lles decían que aprenderan a pintalos... pero que de dar nada de nada... Por outro lado, os que ían rematando, colaboraban e axudaban aos outros cos papeis rebeldes, a poñer detalles , a limpar as mesas, a lavar os pinceis e a preparar materiais...
| galería virtual |
Estade pendentes destes artistas:
probablemente algún deles acabe pintando como Manuel Quintana Martelo!
