A CLASE DE CHANCLAS: novembro 2010

sábado, 20 de novembro de 2010

UNHA TARTA DE MAZÁ

Cada día, antes de empezar a traballar, colocamos no panel da clase as tarefas previstas. Na caixa dos pictogramas da clase temos un que significa "cociñar" e os nenos estaban preguntando moitas veces cando pensaba eu deixarlles poñer ese símbolo. Así que un día coloquei o símbolo por sorpresa e levei os ingredientes necesarios. Preparamos todo e puxémonos a cociñar. Despois escribimos os ingredientes da receta. f

FIXEMOS UNHA TARTA DE MAZÁ.

Este foi o resultado...

A tarta estaba moi rica e aínda que algúns comeron máis ingredientes que tarta, outros non deixaron nin as frangullas e repetiron..... varias veces.

O QUE DAN DE SI UNHAS POUCAS FOLLAS E ALGO DE MILLO...

O que dan de sí unhas cuantas follas podedes velo agora. Durante uns cuantos días recollimos follas no patio: de carballo americano, de arce común , liquidambar, morera, de castiñeiros do monte do Sr Manuel e tamén as que trouxeron os nenos e nenas á clase. Xuntámonos con moreas de follas que encheron a clase de aromas otoñais... Un día atopamos en Internet uns bichos feitos con anacos de follas e decidimos inventar os nosos. Primeiro dibuxamos unha colección de BICHOS-FOLLA e despois puxemonos a facer os nosos AUTORRETRATOS a partir dunha soa folla que era o corpo. A partir de ahí foron engadíndolle a cabeza, os brazos, as pernas e adornárona para facer un friso que colocamos ó longo do pasillo da nosa clase: VELAHÍ TEDES O RESULTADO... uns pequenos artistas que utilizan e aproveitan as posibilidades dos materiais naturais que nos rodean.

Tamén nos trouxeron UNHA CESTA DE FROITOS que están agora de temporada: mazás, cabazas, marmelos, noces, avelás, castañas ... Pero o que máis lles extrañou aos nenos, foron as espigas de MILLO COLORADO : vermello, branco e de dúas cores ...Eles pensaban que todo o millo era amarelo e por suposto non sabían que nos tempos de antes a maioría do millo era destas fermosas cores, que desgraciadamente se están a perder e con elas a variedade xenética e a súa riqueza. E na clase, cando rompen os graos, eles recóllenos e prántanos nas macetas das ventás... ¡e xa hai algúns medrando!

xoves, 18 de novembro de 2010

O SOUTO DO SR MANUEL

UNHA AVENTURA POLO SOUTO DO SR MANUEL

"unha clase de educacion medioambiental"

"Hai un libro aberto sempre para todos os ollos: a natureza".

Jackes Rousseau

"Pensa globalmente, actúa localmente"

A veces tendemos a pensar na Natureza como algo afastado...

non e asi : a natureza esta nunha maceta na nosa aula

ou nun anaco de monte detras do cole...

O ambiente de aprendizaxe e algo mais que un edificio, unha disposición do mobiliario ou unha colección de centros de interés. A visión conceptual da disposición do ambiente e moito máis ampla e, ao mesmo tempo máis básica. Descansa nun entendemento das relacions entre entornos físicos e conducta, entre disposicions ambientais e aprendizaje. O centro escolar debe funcionar como un ERGOSISTEMA SALUDABLE no que as interaccions entre o entorno e as persoas se desenvolvan de xeito fructífero pedagóxicamente ...

Hoxe en día sabemos da importancia e necesidade que ten o noso alumnado de achegarse a un medio xa case descoñecido para eles ao vivir en zonas cada vez mais urbanas, de ter un maior contacto e coñecemento do medioambiente.
Para o alumnado non creemos que sexa tan significativo a deterioración dos arboles dunha afastada selva como as plantas e arboles situados no seu propio colexio e entorno. Por eso cada ano facemos paseos polo souto e plantamos landras, castañas e outras sementes na clase ... porque si coidan e aman a sua arbore acabaran respectandoas todas

Cando comezou o Outono fixemos un paseo polo monte que temos detras do cole e poidemos ver os castiñeiros cos seus ourizos e os cogumelos que comezaron a sair coas primeiras choivas. Observamos as fermosas cores otoñales e disfrutamos do paseo ... Recollimos follas, ourizos, paos, algunha flor e procuramos deixar todo como o atopamos sin romper nin pisar os cogumelos...¡foi toda unha aventura!