Páginas
martes, 28 de decembro de 2021
A árbore de Nadal
domingo, 26 de decembro de 2021
Receta de "plátano pirata"
Os luns para a merenda de media mañán, temos o día da froita na clase, e cando tocaba plátano falábamos de Canarias, do volcán da Palma e sobre todo do que lles costaba rematar o plátano enteiro.... Que si é moi grande, que non me gusta, que ten manchas, que xa comín moito, que non podo... En fín, tódalas excusas que seguro coñecedes.
Así que, armada de "espada pirata", corteilles os plátanos en anaquiños... e agora rematan os plátanos sen protestar jeje
Día da Discapacidade e Día da Infancia
Dende o equipo de Convivencia propuxéronnos actividades para as conmemoracións do Día da Discapacidade e do Día da Infancia. Como base empregamos bolboretas para colocar polos corredores. Os máis maiores de infantil tiñan que pensar nunha cousa que fixesen ben e outra que non se lles fose tan doada. Nas clases de 3 anos pintamos as nosas bolboretas partindo das mesmas cores e quedaron iguais... pero diferentes.
O obxectivo desta conmemoración do Día das Discapacidades é promover os dereitos e o benestar das persoas con discapacidades en tódolos aspectos sociais, económicos e culturais
A celebración do día da Infancia pretende recordar e defender os dereitos dos nenos referentes á educación, a saúde e a protección sin importar de onde sexan.
sábado, 4 de decembro de 2021
Plantando bulbos de tulipáns e ciclames
sábado, 13 de novembro de 2021
Obradoiro de xogos
sábado, 6 de novembro de 2021
Reciclando e reutilizando: xogando con tapas
As tapas son un material colorido, resistente e moi atractivo visualmente. E barato!. Nós empregámolas para o conteo, a clasificación por cores, formas e tamaños... e ademáis traballamos o gusto estético a través das composicións. Se tedes tapóns bonitos como estes, ou similares, podedes mandárnolos a clase polos nenos. Aquí unhas das primeiras experiencias con este material:
xoves, 4 de novembro de 2021
Sementando landras no outono
Este parece ano de landras, e moi boas. Ibamos plantar as que tiñamos pola clase pero coa calor secáronse de máis e trouxenlles outras máis frescas que ademáis chamaban a atención polo tamaño e porque xa estaban asomando as puntas das raices en algunhas. Así que puxémonos mans á terra e plantamolas en macetas.
Cómo lles gustou meter as máns na terra!. Os nenos encargáronse de encher cada un a súa maceta, escoller as landras máis grandes ou xa algo abertas. Ademáis tiñán que contar tres ou catro e plantalas a pouca profundidade. Agora témolas nas ventás da clase e tócanos coidalas e esperar a que nos medre un bosque de carballos que co tempo levarán a casa para que lles busquedes un sitio. Agora imos traballar a paciencia!
Para "meternos en ambiente" levamos días contando contos nos que tratamos conceptos previos sobre as estacións e o paso do tempo, qué é un bosque e quén vive nel e sobre todo da perseverancia ante as dificultades como "Xaime e as landras" e "O duende Pes lixeiros".
mércores, 3 de novembro de 2021
Cabazas e fantasmas polo Samaín
AVISO: na Galería da web do cole xa podedes ver todas as portas e a montaxe de infantil coas cabazas e outras cousas do outono. PREMEDE AQUÍ
luns, 1 de novembro de 2021
A nosa clase ule a outono: xogando con follas e froitos
Visita de Charo Pita
Xa nos ten visitado en persoa noutras ocasións: Ver este enlace da Biblioteca aquí+
sábado, 30 de outubro de 2021
Marcapáxinas para o Día das Bibliotecas
Sacamos unhas fotos intentando estirarnos para chegar moi altos... pero despois ocurreuseme facerlles estos dibuxos divertidos con flores, peixes, avións de papel, raios de superpoderes, capas voadoras, globos, títeres... Espero que vos gustasen!
(Se queredes ver os marcapáxinas que fixeron todos os nenos do cole, están no blog da Biblioteca, premendo AQUÍ.)
venres, 29 de outubro de 2021
A nosa primeira merenda xuntos
Con que problemas nos atopamos?. Pois abrir e pechar sós as mochilas, non perder os tupers (nin tiralos ao lixo, que xa rescatei varios😆), recoñecer e non confundir as nosas cousas, non ocupar máis espazo do que nos corresponde, non tirar cubertos que non son desbotables, que non salte polos aires a merenda cando abrimos os tupers con enerxía, que non nos caian os bebibles... E polo medio: os que non queren tomar a merenda porque non era eso o que querían ou porque decían que só comían na súa casa, os que piden axuda e os que aínda non saben pedila, os que teñen que facer pis xusto cando teñen o bebible aberto na man😅, os que comen tan rápido que xa acabaron antes de que outros coloquen todo e tamén os que tardan un mundo... os que organizan o de todos (e deixan o seu sin recoller😇😂😂)
E despois de todo eso conseguimos merendar e deixar a clase limpa ordenada e recollida!!!👍ben👌
xoves, 28 de outubro de 2021
Primeiras sesións na sala de psicomotricidade
Estas fotos corresponden á primeira vez que fomos á sala de psicomotricidade. Primeiro fixemos un resumen das normas máis importantes: non mancarse nin mancar a outros, non berrar e non desfacer o que fan os demáis... (resumindo: aprendemos a respetarnos) Despois foron xogar pola sala: moveronse explorando os materiais que temos nela (bloques de espuma, cabalos, pontes, rulos e túneles, telas, bloques de madeira... ). Son fotos da primeira sesión e outra bastante posterior nas que se pode observar como algúns van pasando de xogar sós explorando pola súa conta a interactuar cos compañeiros e iniciar pequenos xogos. É moi importante este paso xa que imos vendo como aprender a relacionarse entre eles
mércores, 27 de outubro de 2021
UN NOVO CURSO CON TRES ANOS
Moito desto facémolo a través do xogo que nestas edades é a maneira axeitada de adquisición tanto de hábitos como de coñecemento e valores. Imos comezar poñendo as bases para todo o que virá despois...
espero que vos guste!
luns, 7 de xuño de 2021
Pirámides e papiros
Coñecemos os papiros sobre os que escribían os exipcios. Vimos que se obtiñan dunha planta que medra nas beiras do rio Nilo que cortaban, pegaban e prensaban hasta conseguir unha especie de "papel". Atopamos unhas plantas que se chaman "falsos papiros" cerca de Castrigo e como non tíñamos tantos para facer o papel, empregamos vendas que cortamos en tiras e pegamos facendo unha imitación. No video que puxen abaixo veredes como fixemos.
Os encargados dos papiros eran os escribas, uns funcionarios moi importantes e considerados porque sabían ler e escribir, coñecían o cálculo, controlaban os impostos, aseguraban os traballos de construcción, transcribían as órdenes dos faraóns e sobre todo eran os responsables da administración.
Neste video están as pirámides e cómo fixemos os nosos "papiros".