A árbore de Nadal

Os pequenos de 3 anos fomos os encargados da árbore de Nadal. Quixemos contribuir á decoración do colexio (polas portas, nos teitos, platos de Nadal feitos polas familias...) colgando os adobios da árbore para que todos os seus compañeiros a disfrutasen!. Xa é unha tradición do cole que sexa a nosa clase a encargada de poñer a árbore na entrada. Comezaron os de 4ºA e despois tamén se nos uniron os de 4ºB cando volveron da clase de Música. Montamos a árbore e despois, entre a profe Sandra e eu, fomos axudando aos nenos a poñer luces, bolas e cintas. Quedounos moi bonito... e eles moi contentos! 

 

 

Receta de "plátano pirata"

 

Os luns para a merenda de media mañán, temos o día da  froita na clase, e cando tocaba  plátano falábamos de Canarias, do volcán da Palma e sobre todo do que lles costaba rematar o plátano enteiro.... Que si é moi grande, que non me gusta, que ten manchas, que xa comín moito, que non podo... En fín, tódalas excusas que seguro coñecedes.

Un día, despois de agotar tódolos argumentos para que comesen aínda que só fose un bocadiño máis, ocurreuseme contarlles que a mellor maneira de comer un plátano era cortarlo cunha espada pirata que me dera un deles fai tempo e que tiña gardada no armario (era o coitelo de cortalas tartas e biscoitos que compartíamos antes do Covid)...

 Así que, armada de "espada pirata", corteilles os plátanos en anaquiños... e agora rematan os plátanos sen protestar  jeje

Día da Discapacidade e Día da Infancia

 

Dende o equipo de Convivencia propuxéronnos actividades para as conmemoracións do Día da Discapacidade e do Día da Infancia. Como base empregamos bolboretas para colocar polos corredores. Os máis maiores de infantil tiñan que pensar nunha cousa que fixesen ben e outra que non se lles fose tan doada. Nas clases de 3 anos pintamos as nosas bolboretas partindo das mesmas cores e quedaron iguais... pero diferentes. 

 O obxectivo desta conmemoración do Día das Discapacidades é promover os dereitos e o benestar das persoas con discapacidades en tódolos aspectos sociais, económicos e culturais

A celebración do día da Infancia pretende recordar e defender os dereitos dos nenos referentes á educación, a saúde e a protección sin importar de onde sexan.

Plantando bulbos de tulipáns e ciclames

  Esta semana os nenos das dúas clases de 3 anos estivemos de plantación de bulbos e flores de outono. Algúns xa vistes o resultado. O patio quedou moi colorido!. Mercamos uns bulbos de tulipáns e tamén plantas de ciclames de cores. Isabel encargouse de atar e asegurar as macetas nas barandillas e Sandra e eu plantamos os bulbos cos nosos pequenos. Colocáronos un a un coa punta do gromo para arriba e tapáronos coa terra. Tíñamos que facelo ao revés que as landras que plantamos coa punta para abaixo. Agora o areeiro está cheo de cores, pero para ver os tulipáns aínda teremos que agardar moito ata finais do inverno !. Esperamos que pague a pena!.

 

  

Obradoiro de xogos

  O venres tivemos un obradoiro de xogos para todos os nenos do colexio. Os monitores colocaron todos os xogos enriba de telas de cores e encargábanse ademáis de ir hixienizando aos nenos cada vez que querían cambiar de xogo. Os pequenos tamén participamos e para nós había carreiras de chapas, pescar fantasmas con canas, lanzar bolas, bloques de construcción moi grandes, quebracabezas de pezas xigantes, arrastres e máis... Cando nos tocou o turno de baixar, vimos tantos xogos que nos costou un pouquiño quedar na zona que tiñamos delimitada: a veces tiñamos algún fuguilla que lle gustaba "investigar" polas outras zonas.  Para que teñades unha idea  e vexades o ben que o pasaron fixen esta montaxe.

 

Reciclando e reutilizando: xogando con tapas

   Un dos hábitos que fomentamos é o da reciclaxe e a reutilización. Temos  na clase unha caixa chea de tapas de todo tipo de productos (leites, rotuladores, deterxentes...)  que fomos xuntando en cursos anteriores e que imos aumentando coas aportacións dos nenos: esta promoción comezou a engadir as tapas dos bebibles...

As tapas son un material colorido, resistente e moi atractivo visualmente. E barato!. Nós empregámolas para o conteo, a clasificación por cores, formas e tamaños... e ademáis traballamos o gusto estético a través das composicións. Se tedes tapóns bonitos como estes, ou similares, podedes mandárnolos a clase polos nenos.  Aquí unhas das primeiras experiencias con este material:

 

Sementando landras no outono

  Este parece ano de landras, e moi boas. Ibamos plantar as que tiñamos pola clase pero coa calor secáronse de máis e trouxenlles outras máis frescas que ademáis chamaban a atención polo tamaño e porque xa estaban asomando as puntas das raices en algunhas. Así que puxémonos mans á terra e plantamolas en macetas.

 
 Cómo lles gustou meter as máns na terra!. Os nenos encargáronse de encher  cada un a súa maceta, escoller as landras máis grandes ou xa algo abertas. Ademáis tiñán que contar tres ou catro e plantalas a pouca profundidade. Agora témolas nas ventás da clase e tócanos coidalas e esperar a que nos medre un bosque de carballos que co tempo levarán a casa para que lles busquedes un sitio. Agora imos traballar a paciencia!

  Para "meternos en ambiente" levamos días contando contos nos que tratamos conceptos previos sobre as estacións e o paso do tempo, qué é un bosque e quén vive nel e sobre todo da perseverancia ante as dificultades como  "Xaime e as landras"  e "O duende Pes lixeiros". 

Cabazas e fantasmas polo Samaín

  Para celebrar o Samaín, o Equipo de Extraescolares do cole propuxo que decorásemos as aulas e as portas con motivos arrepiantes. Os nenos da nosa clase querían "algo que lles dese medo aos outros... pero risa a nós". A nosa porta tiña unha arañeira por un lado e polo outro un montón de fantasmiñas aos que lles puxeron ollos e dibuxaron as bocas (de medo, de risa, berrando...). Tamén apareceu na clase unha sábana que acabou convertida en moitos fantasmiñas (bola de porexpán e pao de brocheta) cos que saímos da aula para ver a exposición das cabazas que trouxemos de casa. 

 AVISO:  na Galería da web do cole xa podedes ver todas as portas e a montaxe de infantil coas cabazas e outras cousas do outono.  PREMEDE AQUÍ

A nosa clase ule a outono: xogando con follas e froitos

  Estos días a clase está chea de follas e froitos de outono, landras, castañas, avelás, mazás e algún marmelo... Levei un capacho cheo e estivemos manipulando, comparando as cores, os tamaños, as texturas, e tamén ulindo, xogando e facendo composicións  con todo eso. Primeiro nun papel continuo na alfombra e despois nas mesas. 

  

 

 

Algúns incluso fixeron series coas landras e coas mazás e despois clasificamos e ordenamos todo. A nosa clase ule a outono!. Colgados polo teito temos atados coas follas que recollemos no patio e imos observando como cambian de cores conforme van secando pasando do verde o amarelo e laranxa brilantes ao marrón. 

  

 

Temos a sorte que desde as nosas ventanas podemos observar este cambio nas árbores do patio. O carballo americano e o liquidambar están espectaculares e tamén podemos ver os carballos do monte. 

  

 

 

 

Aparte dos aspectos lúdico, estético e de coñecemento da natureza, con esta actividade tamén traballamos conceptos matemáticos: contar, comparar, ordenar, secuenciar, clasificar, o tamaño, a forma... E pasámolo moi ben!

Visita de Charo Pita

  O venres tivemos unha fantástica sorpresa: "visitounos" por Webex a contacontos Charo Pita. As aulas de infantil  e despois as de primaria, pudemos escoitala de xeito simultáneo a través do ordenador da clase. "Contounos e cantounos" contos de bruxas e do Samaín. Esta escritora, contacontos e  licenciada en Filoloxía Hispánica na súa biografía dí que: "naceu á idade de seis anos cando rematou de ler o seu primeiro libro. Nas súas propias palabras recoñece estar sempre a medio camiño: nin pícara nin adulta, nin gorda nin fraca, nin loura nin morena, nin india nin vaqueira, nin de aquí nin de alí, unha salvaxe apracible, entre o po da viaxe e a modorra dunha butaca vella, unhas veces coa palabra na boca, outra coa música...".  Imparte talleres de narración oral, estudou Canto, Interpretación. Como escritora recibíu varios premios literarios e entre as súas obras están: El ratón que quería un palacio, Pio pio, diversión pop up, Un caracol?, Cucutrás de animais do mar, Igor, Velliñas, Maxia, A rúa da tixola, Quen pode vencer o vento?,  Estamos no verán!!!, Oxalá estiveses aquí, No país do vento, Andar aos biosbardos, e Contos baixo o freixo engurrado.

Xa nos ten visitado en persoa noutras ocasións: Ver este enlace da Biblioteca aquí+ 

Marcapáxinas para o Día das Bibliotecas

  O pasado 24 de outubro celebrouse o Día das Bibliotecas e desde o Equipo  de Dinamización  propuxéronnos  a realización duns "marcapáxinas que reflectixen o placer de ler, de aprender, e a aventura de descubrir outros mundos a través das palabras dos libros..."

   Sacamos unhas fotos intentando estirarnos para chegar moi altos... pero despois ocurreuseme facerlles estos dibuxos divertidos con flores, peixes, avións de papel, raios de superpoderes, capas voadoras, globos, títeres... Espero que vos gustasen!

 (Se queredes ver os marcapáxinas que fixeron todos os nenos do cole, están no blog da Biblioteca, premendo AQUÍ.)

A nosa primeira merenda xuntos

  Estas fotos son da nosa primeira merenda xuntos na clase. Estamos aprendendo a organizarnos: lavar as mans antes de abrir as mochilas, colgalas nas nosas sillas, poñer os manteliños na mesa, colocar todo enriba, abrilo sen que nos caia nada, e despois de todo eso... merendar. Tamén temos que aprender a recoller e gardar as cousas, pechar de novo as mochilas, colgalas nas perchas e volver limpar as máns. Unha serie de rutinas que temos que acadar para ser máis autónomos.

Con que problemas nos atopamos?. Pois abrir e pechar sós as mochilas, non perder os tupers (nin tiralos ao lixo, que xa rescatei varios😆), recoñecer e non confundir as nosas cousas, non ocupar máis espazo do que nos corresponde, non tirar cubertos que non son desbotables, que non salte polos aires a merenda cando abrimos os tupers con enerxía, que non nos caian os bebibles... E polo medio: os que non queren tomar a merenda porque non era eso o que querían ou porque decían que só comían na súa casa, os que piden axuda e os que aínda non saben pedila, os que teñen que facer pis xusto cando teñen o bebible aberto na man😅, os que comen tan rápido que xa acabaron antes de que outros coloquen todo e tamén os que tardan un mundo... os que organizan o de todos (e deixan o seu sin recoller😇😂😂)

E despois de todo eso conseguimos merendar  e deixar a clase limpa ordenada e recollida!!!👍ben👌

 

Primeiras sesións na sala de psicomotricidade

 Estas fotos corresponden á primeira vez que fomos á sala de psicomotricidade. Primeiro fixemos un resumen das normas máis importantes: non mancarse nin mancar a outros, non berrar e non desfacer o que fan os demáis... (resumindo: aprendemos a respetarnos) Despois foron xogar pola sala: moveronse explorando os materiais que temos nela (bloques de espuma, cabalos, pontes, rulos e túneles, telas, bloques de madeira... ). Son fotos da primeira sesión e outra bastante posterior nas que se pode observar como algúns van pasando de xogar sós explorando pola súa conta a interactuar cos compañeiros e iniciar pequenos xogos. É moi importante este paso xa que imos vendo como aprender a relacionarse entre eles 

 E dúas frases de Einstein e Tonucci  sobre a importancia do xogo para os nenos:

UN NOVO CURSO CON TRES ANOS

  Vou dar comezo a algunhas publicacións no blog que de momento tiña un pouco aparcado. Vouno empregar para contar un pouco algunhas das cousas que facemos na clase. Como estamos cos pequeniños de 3 anos, (e a metade comezaron con dous) durante estos días case todo o que fixemos foi traballar hábitos e adquisición de rutinas, coñecernos e coñecer o espazo no que pasamos moita parte do día e sobre todo coñecer aos nosos compañeiros, aprender a respetalos  e adaptarnos ás normas do colexio. 

  Moito desto facémolo a través do xogo que nestas edades é a maneira axeitada de adquisición tanto de hábitos como de coñecemento e valores. Imos comezar poñendo as bases para todo o que virá despois...  

 espero que vos guste!

 

Pirámides e papiros

    Seguindo co proxecto sobre Exipto, buscamos unha plantilla para facer unha pirámide, recortamos e doblamos para pegar e montala. Na sala de Psico tamén intentamos construir pirámides cos bloques grandes e descubrimos que realmente era moi dificil... aínda que un equipo consigueu facer unha pirámide escalonada (como a de Saqara!) igual que fixeron no Antigo Exipto. Tamén fixeron outras construccións.

 

  Coñecemos os papiros sobre os que escribían os exipcios. Vimos que se obtiñan dunha planta que medra nas beiras do rio Nilo que cortaban, pegaban e prensaban hasta conseguir unha especie de "papel". Atopamos unhas plantas que se chaman "falsos papiros" cerca de Castrigo e como non tíñamos tantos para facer o papel, empregamos vendas que cortamos en tiras e pegamos facendo unha imitación. No video que puxen abaixo veredes como fixemos.

imitando papiros

 Os encargados dos papiros eran os escribas, uns funcionarios moi importantes e considerados porque sabían ler e escribir, coñecían o cálculo, controlaban os impostos, aseguraban os traballos de construcción, transcribían as órdenes dos  faraóns e sobre todo eran os responsables da administración.

                      Neste video están as pirámides e cómo fixemos os nosos "papiros".

Columnas e escarabellos do Antigo Exipto

  Seguindo co proxecto sobre o Exipto dos faraóns, fixemos dictados escribindo palabras relacionadas e tamén transformamos unha das columnas da sala de psico nunha columna exipcia, con xeroglíficos e imaxes de faróns e deuses. Para ver como estaban decoradas e como podían ser as cores, miramos na rede e en algúns libros buscando imaxes de deuses e faraóns.

 Tamén fixemos pectorais con forma de escarabello como o do faraón Tutankamón e xogamos a escribir os nosos nomes con xeroglíficos dentro dos cartuchos igual que facían os exipcios "traducindo" a partir do noso alfabeto. Falamos da Pedra de Rosseta e como se resolveu o misterio para poder interpretalos.