Mouchos de outono

 

 Unha das nosas derradeiras actividades do outono foi a confección dos mouchiños con follas secas que fomos xuntando na clase. 

  Antes de encher as bolsas, tíñamos que quitarlles os rabos ás follas, escoller as máis pequenas, rachar ou enrrugar as grandes e aplicar conceptos matemáticos (moito, pouco, máis, menos, cheo, baleiro...). Observamos tamén as distintas texturas das follas e as súas cores e olores.

As hortensias do outono

  As hortensias do xardín no outono foron cambiando as súas cores azul claro e na clase temos un ramo de flores completamente secas que viraron a moradas, granates...

 Cos dedos intentamos mezclas de cores  para conseguir as que vemos nas flores secas.

   Comezamos con moito coidaiño, punto a punto, pero así non conseguíamos que parecesen flores reales. Probando, descubrimos que mesturando varias cores nos dedos o efecto era mellor... 

 Nesta montaxe está o proceso:

 

Xogos populares de Cándido Mascato no Grove

  O EDNL  organizou esta actividade de xogos populares. Están realizados en madeira por Cándido Mascato e aquí estamos os da clase de 3 anos xogando con eles. "Xogos Populares no Grove", que así é como se presentan, ten unha colección que inclue elementos de lanzamento, habilidade e taboleiro que garantizan a diversión e o entretemento e fomentan a cultura popular. Aprendimos a valorar outro tipo de xogos sinxelos que se saen dos máis comerciais. 
 Durante esta semana fóronse colocando na sala de Psico en infantil e por alí pasamos todos. Cada clase reparteuse por pequenos grupos, pasando de un a outro e foi moi divertido.

   En breve tamén poderedes ver na web do cole como xogaron os maiores e tamén os de primaria que tiñan outros máis complicados.  (xa podedes velo!)

 

Os nosos retratos estilo Arcimboldo

  Estamos achegándonos a distintas formas de representación do corpo, unha delas son os retratos metafóricos de Giuseppe Arcimboldo. Primeiro centrámonos nos retratos que este artista realizou das estacións, sobre todo na  cabeza de outono: observamos este curioso efecto no que elementos naturais compoñen un retrato humano e intentamos identificar os máis elementos posibles. Partimos do retrato fotográfico e superpuxemos materiais que temos na clase para facer os nosos propios "Arcimboldos de outono".

  Empregamos follas, paos, landras, castañas, mazás, laranxas... e despois seguimos cos cristais da mesa de luz, xoguetes de pezas...

 Aquí están os nosos Arcimboldos:

O millo de cores

   A semana pasada pudemos ver na clase o millo de cores que nos trouxo Telmo: observar as cores tan diferentes e preciosas, ulilo, tocalo.... Empregamos todos os sentidos e despois pintámolo en papel. 

   E, por suposto, están desexando debullalo!

Ademáis seguimos vendo como medra o que temos plantado nunha maceta: a nosa leira de millo!

Un mural de Outono

   Con elementos que foron aparecendo na clase (follas, landras, paos, castañas...) e outros que recollimos polo patio, fixemos esta composición mural de Outono. Comezamos coa "caixa dos tesouros" onde gardamos o que recolléramos paseando hacia Castrigo e un día Abril chegou cunha caixa sorpresa!.

    A partír de eso foron aparecendo máis elementos na clase que incorporábamos ao noso mural.

   Puxemos tamén os nosos retratos de cabaciñas e o millo de cores que nos trouxo David o pai de Telmo.

   Cada día os nenos xogaban cos seus elementos e aparecían moitos cambios polo que a nosa obra ten algo de Arte Efímero... E sigue cambiando!

As castañas do Magosto

  O pasado venres 2 celebramos no colexio a festa do magosto. Os pequenos de infantil fomos os primeiros en baixar ao patio onde as castañeiras nos repartiron as castañas asadas. Sentámonos por clases e puxémonos a comelas. Algúns aínda comeron, pero outros preferiron gardalas para casa. Despois recollimos as tonas e limpamos o sitio onde estivéramos e puxémonos a bailar.

  Podedes ver as fotos da sesión na web do cole, premendo AQUÍ.

  Tivemos unha pequena sorpresa xa que Nuria e Abril atopáronse coas súas irmáns maiores Emma e Vera e compartiron festa. E, para que non nos quedara nada, fomos ver como funcionaba a máquina que tiñan as castañeiras. 

As cabazas do Samaín

   Estas son as cabazas, arañas e composicións  que viñeron a clase polo Samaín: preciosas, terroríficas e doces!. Estiveron expostas primeiro na clase, onde nos contaron como vos axudaron a facelas, e despois na entrada do colexio. 

   As fotos das cabazas dos seus compañeiros de infantil e primaria podedes velas na web do cole. Ahí tamén podedes ver algúns dos traballos que fixeron os maiores para ambientar o colexio e conmemorar esta festividade de orixe celta que marca o remate da tempada da colleita e o comezo do inverno.

 Moitas gracias pola vosa colaboración!

Unha leira de millo nunha maceta!

   A partir dunhas espigas de millo que nos trouxo a clase David o papá de Telmo, esfollamos, debullamos... e plantamos unha "leira de millo"... nunha maceta. Ademáis, para comprender todo o proceso, vimos un clásico de Disney. Trátase do corto animado "La Gallinita Sabia"- The Wise Little Hen de Disney - do ano 1934  que en apenas 7 minutos e moito humor explica tódolos pasos desde que plantas o millo ata que o podes comer. Podedes velo premendo neste enlace: A galiña sabia.

 

  Tamén escoitamos a canción "pan de millo" da Compañía Migallas que nos explica o traballo que hai detrás  deste planta que desde que veu de América se convirteu na base da alimentación en Galicia e tanto influeu na nosa cultura.

                                    

   Aquí vos deixo unhas imaxes de outras fermosas variedades de millo que había antes e que son moi difíciles de atopar xa que na procura dun maior "rendemento económico..." se foi perdendo esa riqueza da diversidade xenética.

As cores do outono

   Despois de observar as cores das follas polo  do entorno do cole, escollimos en internet unha imaxe dunha árbore que só tiña as polas. 

   Empregamos bastonciños para enchelas de follas. A partir de só tres cores conseguimos árbores de tonalidades completamente diferentes xa que cada neno empregounas á súa maneira...

Saídas por Castrigo

  Para observar a natureza e os cambios que provoca o outono fixemos un par de  saídas polas pistas de Castrigo cerca do colexio. Vimos carballos que xa cambiaban de cor, castiñeiros, maceiras, follas, buscamos landras, castañas, ourizos... A nosa idea era recoller landras para sementar,  pero atopamos moi poucas e bastante estragadas así que descartamos a maioría. Cando volvemos a clase gardamos moitas das cousas que atopamos nunha pequena caixa dos tesouros de outono.   

 

    O encargado do día levou unha  bolsa onde íbamos gardando as sementes e follas que quixemos levar a clase.  

    Foi unha saída para coñecer o entorno, fomentar a observación e promover o respeto polos seres vivos.   

 

Lecturas compartidas: día das Bibes!

  Na entrada anterior conteivos as actividades que fixemos no Día das Bibliotecas Escolares.  Premer AQUÍ para ver no blog da Biblioteca como nos foron as lecturas compartidas cos maiores de 6º.

  Os voluntarios da Biblioteca leron para nós e foi moi divertido sobre todo cando todos colleron confianza....

Día das Bibliotecas Escolares

     Para conmemorar o Día das Bibliotecas Escolares que se celebra o 24 de Outubro, os alumnos de 3 anos  participamos na decoración das follas da árbore dos libros leidos. 

   Os máis maiores escribiron os títulos de libros que lles gustan e nos pintamos moitas follas coas cores do Outono. 

  

   Despois baixamos á Biblioteca onde nos esperaban os alumnos de 6º de primaria que colaboran durante os recreos e repartímonos por grupos para que nos contasen varios contos.

      Ao primeiro estaban un pouco nerviosos pero despois soltáronse e foi unha experiencia moi gratificante para todos, grandes e pequenos. Unha maneira de fomentar a lectura, vendo como lles leen os maiores...

premer AQUÍ para ver como fixemos esta actividade

Maxia con Pedro Bugarín e Roberto Lolo

  Dentro do XIII Festival de Maxia organizado polo Concello de Ames estiveron as actuacións nos colexios dos magos Roberto Lolo e Pedro Bugarín. Este luns pasaron polo Centro e tanto os pequenos de infantil como os maiores de primaria puderon disfrutar do seu espectáculo de maxia e ilusionismo.

Os nenos asistiron entusiasmados e cando pediron voluntarios casi todos querían saír!

Unha montaxe coas fotos da actuación:

 

E dúas pezas da súa actuación:

  Representación do "concerto para máquina de escribir" escrita en 1950 por Leroy Anderson

Primeiros días no cole!

   No día a día imos adquirindo uns hábitos e seguimos unhas rutinas nas que insertamos distintas actividades. Cando chegamos temos que deixar a roupa e as mochilas  ben ordenadas nas perchas para entrar na clase. Comezamos logo coa asamblea sentados na alfombra onde todos podemos falar e contar algo do noso interés. Despois o axudante reparte as etiquetas cos nomes dos seus compañeiros e xogamos a recoñecelos, contar as letras e facemos o reconto dos que estamos e os que poidan faltar... Explicamos as sesións de traballo do día e repartimonos polos rincóns. Cando chega a hora da merenda recollemos todo no seu sitio e saímos a buscar as mochilas. (Esto levounos un tempiño porque cada vez que saíamos moitos pensaban que era para ir a casa...). 

  Despois recollemos, limpamos e ordenamos a clase para ir xogar ao recreo. A veces, no patio atopamos cousas moi interesantes que nos servirán para traballar despois ou para introducir algún proxecto (un saltamontes enorme, follas, landras...). Estamos traballando co Outono.

   Nesta montaxe podedes ver algunhas das cousas que fixemos estos primeiros días.

 

 E case sempre rematamos a mañán con un conto. Dos que levamos gustáronlles moito os de Olivia, o Punto, Lola con alas, A ovelliña que veu cear, Pilocha...

   E ademáis xa fixemos a nosa primeira saída polo contorno!. Contareina na próxima entrada.