Contamos contos na Biblioteca

 A semana pasada Sandra e máis eu decidimos levar outra vez os nenos ao cole de primaria para facer unha sesión de contacontos na Biblioteca. Ademáis de contalos na clase este é un ambiente máis especial, rodeados de libros. Alí ademáis pudemos ver  nas portas, nos paneis e tamén no telón do escenario os debuxos, poemas e contos que fixemos para "pagar" e conseguir os libros no mercadillo. 

 

Escollimos "Os sete cabritillos", de OQO, un clásico que sempre lles gusta e que como vedes na maioría das caras emocionalles como a primeira vez. Leeuno Sandra e eu saquei as fotos... e encargueime de "interpretar" ao lobo😊

  

Importancia dos contos durante a etapa infantil:

·  Fomentan o hábito de lectura.

·  Estimulan o desenvolvemento da linguaxe: aumentan o vocabulario e melloran a pronunciación.

·  Axudan a integrar normas de conducta e comprender comportamentos.

·  Axudan a mellorar a creatividade, desenvolver a imaxinación e fomentar o pensamento reflexivo.

·  Fomentan a atención, a escoita e exercitan a memoria para despois facilitar a adquisición de aprendizaxes máis complexos.

·  Axudan na adquisición de valores e conceptos éticos.

·  Axudan a descansar e relaxarse tanto pola noite como na clase.

·  Crean momentos especiais entre os adultos e os nenos.

.....e son unha fonte de diversión!!! 

 

 

"As chaves dos soños" con Ana Meilán

 

Dentro das actividades de animación á lectura, o pasado mércores 19 de outubro visitounos a escritora Ana Meilán, autora de Oito patas, O lobo Rigoberto, Lágrimas baixo a cama, Mil animais podes ser e moitos máis contos que temos tanto na Biblioteca do centro como en infantil. 

 

 Tivemos tres sesións de contacontos e a nós contounos a historia de "As chaves dos soños". Agasallounos con marcapáxinas do libro e con unhas pequenas chaves de madeira para que as puxésemos baixo as almofadas por si tíñamos pesadelos. Gustáronnos moito os seus contos e pasámolo moi ben coa súa visita. 

 

Visita de Charo Pita

  O venres tivemos unha fantástica sorpresa: "visitounos" por Webex a contacontos Charo Pita. As aulas de infantil  e despois as de primaria, pudemos escoitala de xeito simultáneo a través do ordenador da clase. "Contounos e cantounos" contos de bruxas e do Samaín. Esta escritora, contacontos e  licenciada en Filoloxía Hispánica na súa biografía dí que: "naceu á idade de seis anos cando rematou de ler o seu primeiro libro. Nas súas propias palabras recoñece estar sempre a medio camiño: nin pícara nin adulta, nin gorda nin fraca, nin loura nin morena, nin india nin vaqueira, nin de aquí nin de alí, unha salvaxe apracible, entre o po da viaxe e a modorra dunha butaca vella, unhas veces coa palabra na boca, outra coa música...".  Imparte talleres de narración oral, estudou Canto, Interpretación. Como escritora recibíu varios premios literarios e entre as súas obras están: El ratón que quería un palacio, Pio pio, diversión pop up, Un caracol?, Cucutrás de animais do mar, Igor, Velliñas, Maxia, A rúa da tixola, Quen pode vencer o vento?,  Estamos no verán!!!, Oxalá estiveses aquí, No país do vento, Andar aos biosbardos, e Contos baixo o freixo engurrado.

Xa nos ten visitado en persoa noutras ocasións: Ver este enlace da Biblioteca aquí+ 

Contacontos coa profe Estela!

  Para conmemorar o DÍA DO LIBRO  que se celebra o día 23, a profe Estela realizou estos videos para compartir cos máis pequenos, e tamén cos maiores.  E tamén vos un saúdo para todos!
 Cóntanos dous contos:

 "Un libro" de Hervé Tullet  

 e "Voy a comedte" de Jean Marc Derouen.

 

O castelo de Lola

  Lola está feita unha arquitecta: construeu  este imponente castelo para Rapunzel e despois decorouno. Empregou unha enorme caixa e algo de axuda para ensamblar a estructura. Ten almeas, fiestras, porta con manilla para entrar... Está xenial!. Agora pode xogar a representar o conto!.

 

 Xa sabedes: unha caixa... nunca é só unha caixa. E por se non o coñecedes aquí vos poño un enlace a este conto de Antoinette Portis que tamén temos na clase: "NO ES UNA CAJA"

Amadriñamentos lectores cos nenos de 6º

   Nunha actividade proposta polo Equipo de Dinamización da Biblioteca, os alumnos de 6º de primaria fixeron os amadriñamentos lectores cos pequenos de infantil. Na sala de psicomotricidade os maiores estiveron lendo para nós e todos o pasaron xenial!. A nós tocounos o pasado xoves e estaban impacientes. 

 Podedes ver os videos coas fotos da sesión nesta  LIGAZÓN  co blog da Biblioteca.

 

Botas verdes!

  Como vos dixen cando rematamos o curso, quedáranme pendentes algunhas entradas que agora vou intentar poñer ao día... antes de que comece o novo curso. Un pouco para lembrar como rematamos e continuar despois do verán... 

   Unha delas foi unha experiencia que nos levou moitos meses de coidados e observacións e que comezou co conto "O carballo con botas" de Anxo Moure. Xuntamos botas, xapatillas e deportivos vellos que pedimos aos papás e sementamos nelas landras, pero non naceron e despois glicinias, que a pesar de tódolos coidados tamén nos fallaron ....ou igual foi por exceso de coidados. A experiencia contámola nunha entrada anterior que podedes ver AQUÍ

  Finalmente despois de esos intentos ao longo do curso en troques de sementar aprendimos a "esqueixar":  cortamos as plantiñas que medraban no extremo da cinta ou clorofito da clase e plantamos de novo. E aínda que ao principio eran moi pequeniñas, cos nosos coidados medraron moito e quedaron así.

 Con esta experiencia contamos contos ( O carballo con botas e Aínda nada), vimos varios xeitos de reproducir plantas, os coidados que precisan como seres vivos e sobre todo aprendemos a esperar e a coñecer e respetar os ritmos da natureza...

Adela, Ainhoa, Tito o malabarista e un chisco de maxia!

   Dentro das visitas de animación á lectura  Adela, a nai de Ainhoa, veunos ler o libro "Tito malabarista" (editorial Edelvives), escrito e ilustrado polo belga Guido van Genechten  do que seguro coñecedes outros libros xa que ten publicados máis de 40.

   Resumo do conto: Tito é o paiaso estrela do circo. Ao público gústanlle moito as súas actuacións, pero un día sucede algo estraño: o seu nariz desaparece!. Tito queda moi triste e comeza a buscalo pero non atopa o nariz redondo que desexa. Pensa que iso significará o seu final, pero o dono do circo anímao e faille ver que ao público gústalle el, aínda que non teña nariz e finalmente comprende que o público o quere igual.

 

  Ademáis de ler o conto  Adela fixo maxia cun xogo de descubrimento de formas xeométricas. Non imos desvelar a seu secreto! pero tivemos que aprendernos e recitar unha frase máxica e tamén soplar nunha bolsa... E así todos acabamos conseguindo unha máxica nariz de paiaso como a de Tito.

 Foi moi divertido!

  Cando todos conseguimos o nariz buscamos en internet un dibuxo de Tito para colorear. MOITAS GRAZAS A ADELA por traernos este conto e tamén UN CHISCO DE MAXIA PARA COMPARTIR!

Carola, Andrés, Abril e o carnaval dos animáis

 Carola e Andrés, os pais de Abril, viñeron a clase a contarnos o conto "O carnaval dos animais" da escritora e tamén ilustradora canadiense Marianne Dubuc. Unha divertida historia que lles gustou moito, na que os animais aproveitan as características máis importantes de outros para disfrazarse.

 

 E despois, aproveitando unha colección de animais que temos na clase, faláronnos de insectos, arácnidos, escaravellos e as súas diferenzas e características máis importantes... E tamén acabaron falando de dinosaurios ...que nos pillaban de paso!

  Moitas grazas aos dous por vir e pasar este ratiño con nós na clase!