Chocolatada e "uvas" de fin de ano

   Con algo de retraso, imos pola derradeira actividade do 2022: cando celebramos o fin de ano cunha chocolatada e tomando 12 gusanitos coas badaladas. Para a merenda xuntámonos por niveis e disfrutamos dun delicioso chocolate quentiño acompañado de churros que lle encargamos a un churreiro. Logo fomos á sala de psico para escoitar e contar as badaladas na pantaia e tomar, en vez das tradicionais uvas, os 12 gusanitos que tiñamos preparados nun cucurucho e despois pudemos bailar e pasar un bo ratiño. Ademáis viñemos moi elegantes para a celebración e despedida do ano!.

 QUE TEÑADES UN FELIZ ANO 2023!!!

 

8 M: abecedario de mulleres, A de Ana Peleteiro

  Para conmemorar o Día internacional da Muller propuxéronnos facer un abecedario dedicando cada letra a unha muller importante. A nós tocounos a letra A e deseguida me veu á cabeza a medallista olímpica de Riveira Ana Peleteiro. Vimos moitas imaxes na rede e escollín algunhas que mostraban a Ana saltando, recollendo a medalla de bronce nos xogos olímpicos de Tokio 2020 e moitas máis. Despois tiñamos que colocar na porta a información sobre cada muller.

 Gustounos moito unha foto de cando era pequena e outra na que se está vacinando contra o covid. E sobre todo chamounos a atención que en case todas as fotos sae sorrindo, menos cando está saltando. Tamén vimos o video no que está dando o  triple salto de 14.87 metros co que gañou a medalla de bronce nos XXOO. E para tomar conciencia de canto é realmente ese número, saímos fora co metro para medilo e marcalo no pasillo. A verdade é que visto así é un triple salto impresionante!. E nós intentamos imitala!!!

  

A horta e os traballos de Jhon E.

Jhon E. estivo regando as fabas que transplantou na casa dos avós. Mandounos este precioso video. Todo un agricultor!!!

Estivo traballando a conciencia fonolóxica completando as letras que faltaban nalgunhas palabras, tamen estivo coa direccionalidade esquerda e dereita e facendo contas.

Árbore familiar, camiseta, gatiños... e unha excursión con Martín!

  Martín quere compartir con nós varias das propostas nas que estivo a traballar estos días:  a súa árbore familiar cos nomes dos avós e os bisavós.

 Diseñou unha camiseta con virutas, moldes  e plancha  que lle quedou moi bonita!

 Pasouno moi ben (e estiveron moi ocupados) coidando das 5 crias dunha gatiña abandonada que andaba pola aldea,  hasta que lle buscaron familias que os adoptasen. Aquí está acariñando ao que quedou con el.

 Estivo disfrutando das vistas dende o pico de Santa Mariña, no concello de A Baña. Unhas fotos preciosas!. Póñovos AQUÍ un enlace con Patrimonio galego.net por si vos animades a visitalo. Nunha panorámica de 360 grados podemos ver o Pico Sacro, o Castelo de Portomeiro, o de Castromaior en Fecha, o Monte Iroite, o Tremuzo e o Monte Pindo entre outros.

Traballou facendo contas e  formando palabras con este xogo de letras.

 E coa calor que fixo estos días, pasou horas dentro da piscina xogando coa auga!

seguro que imaxinaba algo así!

Iago, Ricardo Carvalho Calero e os números do bingo

  Para o Día das Letras  Galegas Iago preparou unha ficha sobre o autor a quen se lle dedicou este ano, Ricardo Carvalho Calero e coloreou unha parte dunha historia que lle aconteceu de verdade ao neno Ricardo : "As pitas baixo a choiva"

Tamén estivo aprendedo os números co xogo do bingo, que lle gusta moitísimo.

  E por suposto tivo tempo de xogar á pelota co seu equipamento favorito!

A serie numérica

Como vos dixen vou ir colgando algunhas fotos  de actividades que non subira antes do confinamento. Aquí estábamos facendo os números para ter a serie numérica colgada nas paredes da clase, case no teito, xa tíñamos os 20 primeiros e querían seguir facendo máis. Seguro que cando volvamos continuaremos este traballo!

 

Palabras e números con Catarina

  Catarina tamén se animou a compoñer palabras e a traballar os números e mandounos estas fotos co resultado das propostas. Moi ben Catarina!

Xogos, arte, marmelos e experiencias en outubro

  Durante este mes fixemos varias experiencias. Unha delas foi gastronómico matemática. Resulta que Leo trouxo para compartir un anaco de doce de marmelo que fixo súa nai. (Moitas gracias Cristina: estaba delicioso!). Convertímolo nun problema matemático cortando o marmelo en mitades: tiñan que ir calculando cantos cortes precisabamos para que todos o puderan probar. E sí, ao final deu para todos. Despois lembramos ao pintor Antonio López que tiña no seu xardín unha árbore de marmelos e os pintaba.... e nós fixemos o mesmo.

   Falamos da importancia da auga para os seres vivos: xa comprobamos que a bandexa con cesped e o boniato que tiñamos na ventá estaban secos. Ninguén os regara, claro. (Desde que volvemos e o regamos, o boniato brotou de novo e mide case un metro). Eu mostreilles unha bola que levaba na caixa de materiais da natureza desde que eran pequenos. Curiosamente non lle deran importancia porque pensaban que eran paos secos.... Cando lles dixen que era unha planta viva (unha rosa do deserto) non o creían.  Formularon moitas hipótesis (a base da ciencia) sobre o que podía pasarlle si lle dábamos auga. Metémola  nunha xerra para comprobalo: primeiro flotou sin que lle pasase nada e logo foise abrindo e afundindo ao longo da mañán.... Pode vivir anos aparentemente morta e revivir  coa auga... Aquí levaba tres anos completamente seca!

 Como estamos a traballar a recta numérica, un día convertímonos en números e xogamos a colocarnos en orden ascendente e descendente e  ver quen levaba o anterior e quen o posterior....

INVENTOS: ÁBACO

   Noelia quixo compartir coa clase o invento do ÁBACO. Un aparello que se emprega para contar, sumar, restar e multiplicar desde fai centos de anos. Ela  contounos que se inventou en China no ano 190. Nós averiguamos na rede que esa data corresponde á forma máis ou menos actual do ábaco, xa que moito antes xa se empregaban outros sistemas máis primitivos para contar. Os homes sempre contaron: a cantidade de xente que formaba as tribos, os animais que posuían, as plantas... Empregaban para contar: pedras, sementes, marcas en placas de pedra ou barro, nós en cordeis...  O ábaco consiste nun cadro de madeira con aramios ou barras paralelas polas que se deslizan unhas bolas. A súa orixe  establecese na Mesopotamia fai máis de 4000 años. 

 


    Un dos sistemas antigos de contabilidade que máis nos gustou foi o de ensartar  pezas  en cordas e intentamos reproducilo contando os anos que temos...  

      

   O  ábaco recollido na imaxe de abaixo que amosa unha caixa escura é un modelo chinés. Tamén vimos que no cole temos moitos tipos de ábacos e probamos a poñer números empregando unidades, decenas e centenas.

    Noelia tamén trouxo a clase un modelo de ábaco diferente: unha caixa con só 5 bolas e intentou explicarnos como o empregaba ela.