Cantamos "Din, Dan, Don, chega o Nadal!"

                             

 

Esta é a nosa actuación no festival de Nadal. Cantamos para os compañeiros de Infantil a canción "Din, Dan, Don, chega o Nadal!". E cando marchou o público e quedamos sós no escenario, volvimos a cantala. Espero que vos guste: os artistas fixérono con toda a súa emoción e entusiasmo. Quero agradecerlle tamén aquí ao profe Anxo que se encargou de escoller as panxoliñas, de montar a coreografía e de coordinar a todos os pequenos!. Moitas gracias!

 

As Maianas cantando no Ceip A Maía

  O venres celebramos o magosto con actividades organizadas polo Equipo de Extraescolares. Recibimos a visita do grupo As Maianas que actuaron na Biblioteca para todos os alumnos. Son un grupo de cantareiras e pandereteiras que tamén empregan a percusión corporal e a guitarra. Os de infantil baixamos despois do recreo e pasámolo xenial con elas!

 Esta é unha montaxe coas fotos dos nenos de infantil mentras as  Maianas cantaban para nós.

"Ahí ven o maio" de F. D. Gurriarán

 Na clase de música coa profe Rita vimos un video que nos enviou a profe Mercedes, onde alumnos do CEIP Julio Gurriarán (O Barco de Valdeorras) interpretan a canción "Ahí ven o Maio" composta polo mestre de música do centro, Nacho Hermida, a partir dun texto poético de Florencio Delgado Gurriarán a quen este ano se lle dedicou o Día Das Letras Galegas  e que era natural do seu concello veciño de Vilamartín de Valdeorras.

Ahí ven o maio de enterrar ao pai Abril,
(O Maio garrido cansiño de chorar,
enxoitou o seu pranto con panos de luar).

Ahí ven o Maio pola porta da campía
ahí ven o maio, galán da cotovía,
(O Maio garrido tiña un cambai brunedo,
o sol espafarrapóullo cos seus dourados dedos).

 

Ahí ven o Maio pola porta da debesa,
ahí ven o Maio côs seus brincos de cereixas.

(O Maio garrido anda a bebelos ventos
pola terra, rapaza de doces arrecendos).

 

Ahí ven o Maio pola porta do soutelo,
ahí ven o Maio có seu colete amarelo.
(O Maio garrido, nos intres de vagar,
có mestre rouxinol adeprende a cantar.

Ahí ven o Maio pola porta do valado,
ahí ven o Maio cô seu traxiño branco.
(O Maio garrido, para saudar o vran,
pon luvas de etiqueta  con frores de S. Xoán).

Ahí ven o Maio. ¡Ábrelle as portas, moza,
que trai, por gorentarte, caraveis e rosas!

Florencio Delgado Gurriarán (1981) Cantarenas. Poemas, 1934 – 1980  (Bebedeira, Valdeorresas, Dionisias) (A Coruña: Edicións do Castro)

Bailando con cintas de vento

 

Uns días antes das vacacións, Sandra estivo facendo "cintas de vento". Para eso atou lazos de cores en gomas que despois colocamos nas muñecas dos nenos.  Eu ademáis conteilles aos nenos o conto de Lola con alas: que vai da superación da tristeza da man das cores.

E, de remate, na sala de psico puxemóslles (entre outras músicas) a primavera de  Vivaldi para que se movesen libremente pola sala. E Bailamos!

 

A horta de Balbina

 Os nenos cantaron coa profe Carla "A horta de Balbina" de María Fumaça unha canción que nos gusta moito e que fala das verduras e hortalizas e cando se colleitan. 

 

Cancións: Chea de vida e Rosalía pequeniña

Na clase de  música coa profe Carla os nenos traballan moito con cancións de artistas galegos, tanto para potenciar a nosa lingua como para fortalecer a linguaxe xestual. Para o día internacional da muller, a profe Carla traballou cos nenos o tema "Chea de vida" de Guadi Galego, tanto polo seu contido e significado como pola lingua de signos coa que traballaron coa axuda dun video. Disfrutaron moito con esta canción.

 E cando traballamos sobre Rosalía de Castro prepararon  a canción "A pequena Rosalía" de Uxía Xenlle quen en colaboración coa Editorial Galaxia, editou 'Rosalía Pequeniña', un libro-disco infantil no que canta os seus poemas coa intención de difundir entre os pequenos a figura da poeta galega, a quen presenta como "pirata" e "insumisa".

Canción: A que sabe a lúa?

 Na clase de  música coa profe Carla, os nenos traballan moito con cancións de artistas galegos, tanto para potenciar a nosa lingua como para fortalecer a linguaxe xestual e incluso de signos. Aquí están interpretando  "A que sabe a lúa?". Os nenos e nenas amosan nestos videos o que disfrutan interpretando e cantando cancións coma se de un xogo se tratase. A fin de contas, diso vai o tema: de aprender xogando e cantando. Esperemos que disfrutedes tanto coma eles.

 

Máis fortes!

  Como remate do trimestre vouvos poñer unha mestura de fotos do que fixemos nesta temporada, A maioría son de traballos e xogos e non están metidas en ningunha entrada anterior. Reflicten un pouco o noso día a día no cole. A canción é de Kelly Clarkson (what doesn´t kill you, make you "stronger") así que esperemos saír de esto "máis fortes". E que o ano que ven sexa moito mellor que este!

 

Os maios de 4 anos

  Durante o mes de maio estivestes enviando algúns maios, con flores e con cantigas e con todos os que me chegaron fixen esta montaxe. Eu tamén traballei no meu, coa axuda da miña sobriña de 3 anos, que carrexou follas de cores e fixo e desfixo conmigo😉. Tamén o pasamos moi ben e todos quedaron moi bonitos!.💓 

 

  

O maio de Lola

  Lola recolleu flores silvestres para facer un ramo e mándanos un video no que aparece cantando: o maio que baila de pé!.  Tamén nos desexa unha  feliz primavera a todos!

Xilófono de auga e outros instrumentos con Pedro

 Hoxe Pedro quere compartir con nós as actividades nas que traballou seguindo as propostas de música. Na primeira tíñades que crear un instrumento e Pedro fixo un xilófono de auga con botes cheos de distintas cantidades de auga. Xenial Pedro!👏👏.  Desta maneira tan sinxela xa temos un instrumento de percusión. Este ten tres notas, pero si vos animades podedes intentar facelo con máis botellas hasta conseguir a escala completa. Logo xa afinalo depende do oido de cada un... 😉

  Tamén nos manda uns videos nos que toca unha trompeta de xoguete e un trombón máis grande que el coa axuda de papá!. Fan falta bos pulmóns para tocar un instrumento de vento así!.

  Outra parte da proposta de Música era debuxar  instrumentos, e Pedro escolleu  estos: de vento a flauta, de percusión o tambor e de corda  a guitarra.👌

Cumpreanos durante o confinamento.

  En estos días de confinamento pasan moitas cousas que son moi importantes para os nenos, por exemplo algúns teñen que celebrar o seu cumpleanos na casa e sin convidar aos amigos, sin que estos lles canten o cumpleanos feliz e sobre todo sin velos. Esta vez tocoulle a Catarina que cumpleu 5 anos e á súa irmá Alicia que cumpleu 8. Celebrárono na casa, acordáronse dos seus amigos e puxéronse de festa, porque un día é un día. Parabéns ás dúas!!!

 

  Todo eso sin deixar  de facer algunha das tarefas que propuxemos. Como este rexistro das cousas que facemos no día. Moi ben Catarina! 

 

   Como non podemos cantarlle en persoa, poño este enlace de Uxía Lambona e a banda molona que estiveron o curso pasado no cole e nos fixeron pasar un moi bo rato!

 

Un espazo renovado!

  Desde fai uns días disfrutamos dun espazo renovado no centro, o que viña sendo a aula de música e onde tamén se diran os talleres de grafomotricidade e incluso actividades polas tardes. Reubicouse moito mobiliario e material obsoleto e colocáronse unhas fantásticas mesas abatibles que nos fixo o papá de Juan. Todos estos cambios permiten un uso moito máis efectivo desta aula que temos a carón do patio. 

  O primeiro que notaron eles era que tiña máis color e que había moito máis espazo!. Todo esto permite por unha banda que os nenos poidan moverse moito mellor e sin tropezar cando bailan nas clases de música e por outra empregar o chan  na zona de alfombra para pintar ou facer grafo. Disfrutar do espazo e o movemento de xeito máis natural para nenos pequenos. E as mesas abatibles permiten traballar sentados cando é preciso. 

 Colocouse a estantería dos contos na zona de entrada con gran visibilidade, esto permiteunos que durante o recreo os nenos que así o desexaron entrasen durante os días de choiva nos que o patio estaba moi desapacible. Eso sí, respectando as mismas normas que no Bibliopatio que xa non temos. Disfrutaron cos contos e ademáis era unha zona tranquila na que non había conflictos.

Magosto coas Maianas!

  O pasado venres oito, celebramos o Magosto cos nosos compañeiros de infantil e primaria. Comemos castañas asadas e bailamos ao son de catro das pandereteiras do grupo "Maianas".

Antes, na clase, pintamos e preparamos os cucuruchos e tamén decoramos unha papeleira para deixar todo recollido.

 As Maianas cantaron e animaron durante toda a mañán mentras os nenos de infantil e primaria comían e bailaban.

 

Uxía Lambona e a banda molona

   Por si non vistes a entrada que puxen na web do concerto de Uxía Lambona e a banda molona" entretiveron e fixeron bailar aos nenos do colexio o mércores da derradeira semana do curso.  

Este grupo pretende sobre todo divertir os pequenos, achegándolles temas tradicionais galegos dunha forma nova e atractiva, empregando novos estilos musicais (ska, rock, hip-hop...) para que coñezan e manteñan a nosa música tradicional popular.  Foi unha actividade organizada polo Equipo de Actividades Complementarias. Pasárono xenial no concerto!

CONCERTO DE UXÍA

 MONTAXE DAS FOTOS DURANTE A ACTUACIÓN

 Podedes ver unha selección das cancións do grupo no blog de 5ºC de infantil.

Versos para Antonio Fraguas no paseo fluvial

   Participamos nesta actividade proposta polo equipo de normalización lingüística do Concello para o Día das Letras Galegas. Escribimos sobre a nosa laxa os versos de Antonio Fraguas sobre a aldea de Insuela onde naceu, e decorámola entre todos.

  Despois os nosos representantes, Xián e Maeba, que saíron escollidos por sorteo, foron pendurala das árbores do paseo fluvial de Bertamiráns facendo un CAMIÑO DE VERSOS para disfrute de todos os paseantes.

•     Podedes ver a entrada da saída para colocar as laxas e a entrevista para a CRTVG  na que sae falando Xián, premendo  neste enlace coa web do colexio. 

•   E nesta montaxe vedes como decoramos o noso poema de Fraguas.

 

 E no disco de Xoán Curiel, podemos oir o poema "Quen me dera en Insuela" nunha canción.

premer para escoitar a canción

O Maio

     Os pequenos de 3 anos achegáronse á tradición dos maios e fixeron este de papel. Despois buscaron e escolleron en internet  as flores que lles gustaban.... e, como vimos maios que levaban ovos e froitas, tamén lle puxeron limóns. 

 Pintáronas e recortáronas e como algunhas eran un pouco máis dificiles algúns encargáronse de repasar os recortes e así todos colaboraron na súa medida. Aínda así algunhas acabaron un pouco recortadas de máis... e sin posibilidade de reconstrución.... Cuestión de practicar.

   Cando todo estivo rematado, clasificaron por tamaños e pegáronas facendo grilandas... Quedounos un bonito maio que compartimos cos compañeiros do cole colgándoo na entrada.

  

  A música que acompaña este video é de Luis Emilio Batallán coa letra do poeta Manuel Curros Enríquez (Aires da miña terra).

Lia, Manu e a gaita galega

  Dentro das visitas o cole tivemos a de Manu, o pai de Lia, que estaba toda emocionada e impaciente por traelo a clase. Manu trouxo a gaita que toca desde pequeno e contounos que durante moitos anos estivo nun grupo.  
Ademáis montouna diante deles e explicounos que é un instrumento de vento, como funciona e como se chaman as pezas que a compoñen. Foi unha experiencia moi bonita e pasámolo xenial.

 

 Trouxo tamén a monteira e cando marchou buscamos na rede o resto de pezas do traxe galego.

  Quedaron impresionados pola potencia e son deste instrumento que acompaña aos galegos na maior parte das nosas celebracións. De seguro hoxe nos acompañou ao longo do Día das Letras galegas.

 Fixen dúas montaxes, unha coas fotos da visita e outra de video cuns anaquiños das pezas que Manu tocou na clase. Espero que vos gusten.

 Moitas grazas Manu por vir pasar este rato con nós.

Día de Rosalía

 Os pequenos de 3 anos participamos como todo o Ceip a Maía na  homenaxe a Rosalía, conmemorando o 182 aniversario do seu nacemento con diversas iniciativas promovidas polos EDNLG do Concello e dos centros de Ames  e que compartimos coa comunidade. Así, levastes os carteis para as portas das vosas casas e nós levamos as laxas de pizarra ao Parque do Ameneiral con distintos versos da poetisa. O poema que fixemos na nosa clase foi  "ADIOS RIOS, ADIOS FONTES". Teño que decir que os nenos entenderon a fonda tristura deste poema e algúns se emocionaron de verdade e sentiron a pena de Rosalía  "¡Deixo a casa onde nacín, deixo a aldea que conoso, por un mundo que non vin!".  

 

                              Podedes ver os traballos de todo o cole premendo AQUÍ na web.

    Nesta montaxe podedes ver como fixemos entre todos o noso cartel e a laxa de pizarra, así como fotos da saída das clases de tres anos que fixemos en bus para colocar a nosa laxa á beira do rego no parque. A saída en bus fíxolles tanta ilusión como o paseo polo Parque. E xa me contaron que algúns fostes de paseo para ver os poemas e que atopar o noso!

 Quero darvos tamén moitas grazas por colaborar con nós para colocar os carteis nas vosas portas.