Pirámides e papiros

    Seguindo co proxecto sobre Exipto, buscamos unha plantilla para facer unha pirámide, recortamos e doblamos para pegar e montala. Na sala de Psico tamén intentamos construir pirámides cos bloques grandes e descubrimos que realmente era moi dificil... aínda que un equipo consigueu facer unha pirámide escalonada (como a de Saqara!) igual que fixeron no Antigo Exipto. Tamén fixeron outras construccións.

 

  Coñecemos os papiros sobre os que escribían os exipcios. Vimos que se obtiñan dunha planta que medra nas beiras do rio Nilo que cortaban, pegaban e prensaban hasta conseguir unha especie de "papel". Atopamos unhas plantas que se chaman "falsos papiros" cerca de Castrigo e como non tíñamos tantos para facer o papel, empregamos vendas que cortamos en tiras e pegamos facendo unha imitación. No video que puxen abaixo veredes como fixemos.

imitando papiros

 Os encargados dos papiros eran os escribas, uns funcionarios moi importantes e considerados porque sabían ler e escribir, coñecían o cálculo, controlaban os impostos, aseguraban os traballos de construcción, transcribían as órdenes dos  faraóns e sobre todo eran os responsables da administración.

                      Neste video están as pirámides e cómo fixemos os nosos "papiros".

O sarcófago do faraón

  Falando falando, como moitas veces, algunhas das nenas déronse conta que unha das montañas do quebracabezas de papel que estaban facendo parecía unha pirámide e así chegamos a un tema moi interesante: os tesouros dos faraóns do Antigo Exipto. Conteilles a historia de como, case por azar, Howard Carter atopou a tumba de Tutankamón e os tesouros que alí se gardaban. Despois buscamos máis información nos libros e na rede e puxémonos a facer un SARCÓFAGO. Cortar e doblar as pezas foi un traballiño...  E  iban con momia incluida!

 

 

O alfabeto de Iago e unha árbore familiar frondosa

   Iago estivo traballando co alfabeto, levoulle moito tempo facelo, empregaron todo tipo de  materiais para facer as letras: papel de aluminio, de periódico, papel hixiénico, papel con purpurina, gomets…

Tamén  pastas, noces, lentellas, arroz; outras letras levan recortes de telas, restos de lazos, lá, fieltro, estropallo, algodón, botóns, pompóns, tapóns das botellas, plastilina, purpurina... 

   Despois colocáronlle un fondo de cartón e  imáns e quedou decorando o lateral da neveira onde pode revisalas cada vez que pasa!.

 Un traballo intensivo con un resultado espectacular. 

  Tamén estiveron traballando moito coa súa árbore familiar: recopilaron fotos e Nuria cóntame que Iago participou activamente recortando, pegando e pintando. Foi un "traballo en familia". Ensináronlle as fotos dos seis bisavós que non coñeceu, pero ten a sorte de coñecer e ter bastante relación cos outros dous que viven en Sarria,  de onde é case toda a súa familia.

 

Cristina, Sabela, Rami e Lara: "Ter amigos é divertido"

  Dentro das visitas dos papás e mamás para contarnos contos, houbo unha excepción. Como os de Lara non podían vir "delegaron" en Cristina, a súa irmá maior. Foi unha experiencia moi bonita de lectura de maiores a pequenos e Lara estaba moi emocionada coa visita. Cristina veu con dous compañeiros de clase, Sabela e Rami e entre os tres leron o conto "Ter amigos é divertido" de Rob Lewis. 

 Durante a visita os pequenos estiveron moi atentos a esta historia...  e aos contadores e portáronse xenial.

  Reseña: Ambrosio é un coelliño que se muda a un sitio novo, o que máis lle gusta é nadar e intenta buscar amigos cos que poida compartir a súa afección pero vainos rexeitando porque todos teñen algún defecto para el... Ao final acaba por decatarse de que é máis importante ter amigos que calquera outra cousa.

 

  Unha historia sobre o respeto na que vemos que todos somos diferentes e que hai que aceptar aos demais tal como son, xa que todos nos poden aportar algo.  

Moitas grazas a Cristina, Sabela e Rami por contarnos este conto!. 

Unha proba de que ter amigos é divertido!

Entroido pirata

  Esta semana de Entroido seguimos os mandadiños do Meco para vir disfrazados de Piratas. (Moitas grazas pola vosa colaboración!). Tamén fixemos un pequeno proxecto para averiguar cousas sobre eles, os seus barcos, materiais e costumes. E estamos a ver un corto sobre o libro "A illa do tesouro" de  Robert Louis Stevenson.

O Quixote e os 400 anos de Cervantes no día do libro

      O noso proxecto durante este mes foi achegarnos á figura de Miguel de Cervantes e do Quixote a través dos seus personaxes. Coñecemos a Alonso Quijano, Sancho Panza, Dulcinea, Rocinante e seguimos as aventuras de Don Quixote conta os muiños e o rebaño de ovellas...

 

 

na exposición co Cervantes neno

 

o lapbook sin rematar

    Empregamos o Symbaloo, fixemos algo de teatro representando a historia de Cervantes, xogamos no ordenador, pintamos os retratos de Cervantes e fixemos un lapbook, un mural con despregables no que contamos algo do que aprendimos do Quixote. Agora está colocado na entrada do colexio de primaria xunto á figura dun maniquí vestido coa mesma roupa que nós empregamos para disfrazarnos de Cervantes...  Con papel pinocho fixenlles unha gola de época e aquí están as fotos que fixemos:

Premer na imaxe para ver os retratos

   O venres baixamos a primaria a ver a exposición dos lapbooks de primaria recomendando libros  (podedes velos no blog da Biblioteca ou achegarvos por alí,están xeniais!)

 

   A profe María mostrounos como funcionaba un muiño de vento como os da Mancha que fixo cos de 4º no taller de plástica... 

    Aquí estamos na  exposición dos lapbooks na Biblioteca:

        Despois subimos e baixamos polas escaleiras onde están escritas as primeiras frases do Quixote. No blog da Biblioteca e na web do cole tedes máis información con fotos e videos de todas as actividades que se fixeron no DÍA DO LIBRO.

 

CAZADORES PRIMITIVOS

     Estas son escenas de cazarías que dibuxamos cando falamos dos homes primitivos. En internet vimos pinturas rupestres e na cova que fixemos baixo as escaleiras algúns aínda siguen dibuxando animais e escenas de caza.  Aprendimos que traballaban as pedras para facer as súas ferramentas e utensilios de uso cotián (machadas, coitelos, raspadores...) e armas para cando ían de cazaría (lanzas, puntas de frecha...).

 
      Na clase temos unhas pedras de silex como as que empregaban e tamén sabíamos que tiñan os roles moi repartidos, que os homes eran os cazadores e as mulleres as recolectoras e coidadoras da familia, aínda así, nós queríamos ter cazadoras e cazadoras dibuxamos. Pero a pesar de querer igualar os roles, "algo" se nota diferente nos dibuxos de nenos e nenas. Fixádevos. Neste caso os que empregaron máis detalles nos cazadores e nas armas foron os nenos e as nenas paráronse máis nos vestidos e peiteados ... tal que algunha das cazadoras parecían recen peiteadas! Cousas do estilismo!

clicar para ver as escenas das cazarías

UNHA COVA PREHISTORICA NA MAÍA

A  COVA  PREHISTÓRICA  DA  MAÍA

 

      En esta presentación estamos facendo as pinturas rupestres na cova prehistórica que montamos entre María e máis eu con papel de estraza. Como dentro da clase non tíñamos espazo, acabámola montando no oco que temos  baixo as escaleiras. Un espazo máxico que xa se ten prestado para moitas actividades. Agora, cando nos metemos dentro e apagamos a luz, temos a sensación dos primitivos ocupantes das covas e intentamos pensar coma eles na escuridade, en como vivían e facían o seu día a día. Pintamos con carbón e rotuladores e só nos falta aprender a facer o lume!

OS HOMES PRIMITIVOS E AS PELES

     Investigando sobre os homes primitivos aprendimos cómo aproveitaban as peles dos animais que cazaban para quentarse e vestirse con elas. Despois de "cazar e despezar os mamuts" do outro día, miramos os abrigos, as mantas e as alfombras con outros ollos... Isabel e Casilda prestáronnos un par de peles ( unha era de ovella e a outra deduxemos que "podía ser" de reno) que nos serviron para ambientar a clase: vestímonos con elas, fixemos unha cabana,  e sobre todo disfrutamos un montón! 

clicar aquí  para ver o que fixemos coas peles

a pel de ovella

CAZANDO MAMUTS

   En clase comezamos un novo proxecto sobre a PREHISTORIA E OS HOMES PRIMITIVOS. Xa o tiñamos pensado desde que contamos o conto de CRONIÑONA e agora xa estamos metidos de cheo no tema. Para inicialo comezamos moito tempo atrás: conteilles a historia da formación do Planeta a partir do big bang e logo a aparición da vida na terra e máis tarde a dos primeiros seres humanos. 

       Logo púxenlles un corto daquela serie estupenda de ERASE UNHA VEZ O HOME que contaba o mesmo: e falamos dos dinosauros, da evolución ("antes eramos monos?"... preguntan sempre), dos homes primitivos, como cazaban, onde vivían, que comían, as ferramentas que usaban, como descubriron o uso do lume (lembramos o conto "En busca del volcán") etc...

        E nesas estábamos cando chegou a profe María que viña facer un exercicio de psicomotricidade coas mans. María traía tres cabalos de espuma da sala que xa estaban rotos e pensaba facerlles traballar arrancando anacos cos dedos practicando as técnicas do rasgado e o pellizcado e ... "PAAAARA MARÍA! Espera que imos cambiar o motivo": conteilles  que o que traía María eran  TRES MAMUTS!  E QUE ELES TIÑAN QUE FACER COMA OS HOMES PRIMITIVOS E DESPEZALOS PARA COMER:

     Foi o momento xusto e esto foi o que pasou: totalmente metidos no seu papel, arrancaron, despezaron e cortaron os tres mamuts  con absoluta ferocidade... e non era nada doado!

clicade aquí para ver

 

 

   Agora estamos xa preparando o traballo, cada mesa é un clan e escolleron o seu  animal totem para dibuxar .... Ah e saímos ao corredor sixilosamente a cazar mamuts! (son o resto dos profes...)

Xa vos contarei como nos vai... e sobre todo cando descubramos o xeito de facer lume!

Aquí vos poño o corto de Erase unha vez o home. É fantástico!

UNHA DE ROMANOS !

       O último proxecto de este curso é un traballo sobre Os romanos que desenvolvimos os de 6ºC e 6ºB de infantil a partires dun documental da BBC que nos pasou María sobre as loitas de gladiadores e que os deixou impresionados. Despois Sara trouxo unha película de "Erase unha vez o home" e Alejandro veu con outra sobre "os romanos na Galia de Asterix" e entón xa collimos "carrerilla" ... Falamos da orixe de Roma (de Romulo e Remo criados por unha loba), dos Césares, das lexións romanas que conquistaron todo o mundo coñecido e de moitas pequenas historias como a das ocas do Capitolio que despertaron aos cidadáns de Roma cando eran invadidos polos bárbaros.   

      Un día collimos cordas e teas de cores na clase psicomotricidade e arreglamos túnicas e togas  para vestirnos coma eles: despois estivemos vestidos de emperadores un bó ratiño!  

               

        Aprendimos a escribir os números romanos e vímolos nos reloxos. Vimos palabras romanas que perduran hoxe como diñeiro que ven dos denarios e o as da baraxa e moneda que procede da deusa Moneta. Tamén falamos da orixe dos nomes dos días: xoves estaba adicado ao deus romano Xupiter ou Xove, martes ven de Marte, o deus da guerra, e venres de Venus... falamos das cores das túnicas e togas romanas, da púrpura imperial que so se lles permitía aos emperadores... E, como curiosidade, a palabra candidato procede da túnica cándida que  levaban os patricios que pretendían acceder ao senado romano...(un blanco puro que representaba a pureza de ideais para servir ao pobo )

    

      Escribimos con punzós nunha tablilla feita con cera que derretimos nunha caixa de madeira, e fixemos cuádrigas de cartulina  e cos bloques de madeira e xogos de clase construimos campamentos, acueductos e circos romanos... E fixemos moitos dibuxos!

      Vimos fotos das obras dos romanos e falamos das que temos cerca, como Pontemaceira, as murallas de Lugo ou a Torre de Hercules. E varios nenos foron con seus pais a visitar esos monumentos e mandáronnos moitas fotos do que viron por alí.

                                    

      E agora neste movie maker vemos: UNHA DE ROMANOS!