Bailando con cintas de vento

 

Uns días antes das vacacións, Sandra estivo facendo "cintas de vento". Para eso atou lazos de cores en gomas que despois colocamos nas muñecas dos nenos.  Eu ademáis conteilles aos nenos o conto de Lola con alas: que vai da superación da tristeza da man das cores.

E, de remate, na sala de psico puxemóslles (entre outras músicas) a primavera de  Vivaldi para que se movesen libremente pola sala. E Bailamos!

 

Garabullos e tapas: materiais naturais e reciclados.

   Xa case en Reis e soñando cos agasallos que lles van traer, hoxe vou poñer aquí dous materiais que nos saíron completamente de balde e que nos encantaron a pesar da súa sinxeleza... ou por eso mismo. Directamente do xardín e da caixa de reciclaxe!. Xogamos con elementos naturais. Garabullos de madeira de carballos, camelias, kiwis, abeleiras... Ademáis de sentir as distintas texturas, grosores, tamaños e olores, empregámolos para facer con eles formas, debuxos e letras. Reproducimos as que vimos na pizarra e tamén creamos outras novas. Un material económico e moi agradable para os nenos, que nos trae a natureza dentro da clase e que estimula os seus sentidos. Ademáis xa sabemos que a todos lles encanta xogar cos paos e no patio disfrutan cando os atopan, así que só empregamos un recurso abundante e adaptado aos seus intereses.

 Por outro lado tamén empregamos materiais reciclados. Neste caso as tapas de todo tipo que fomos xuntando ao longo do tempo. Unha maneira de reutilizar un material moi abundante, visualmente atractivo e do que dispoñemos en abundancia e de balde. Ademáis de xogar libremente e de facer creacións artísticas con elas, empregámolas como un material matemático máis para ordenalas, contalas, facer series e clasificacións. Nesta ocasión fixemos varios xogos nos que tiñan que decorar coroas, abetos e reproducir os modelos das tarxetas relacionadas co Nadal.

Obradoiro de xogos

  O venres tivemos un obradoiro de xogos para todos os nenos do colexio. Os monitores colocaron todos os xogos enriba de telas de cores e encargábanse ademáis de ir hixienizando aos nenos cada vez que querían cambiar de xogo. Os pequenos tamén participamos e para nós había carreiras de chapas, pescar fantasmas con canas, lanzar bolas, bloques de construcción moi grandes, quebracabezas de pezas xigantes, arrastres e máis... Cando nos tocou o turno de baixar, vimos tantos xogos que nos costou un pouquiño quedar na zona que tiñamos delimitada: a veces tiñamos algún fuguilla que lle gustaba "investigar" polas outras zonas.  Para que teñades unha idea  e vexades o ben que o pasaron fixen esta montaxe.

 

Reciclando e reutilizando: xogando con tapas

   Un dos hábitos que fomentamos é o da reciclaxe e a reutilización. Temos  na clase unha caixa chea de tapas de todo tipo de productos (leites, rotuladores, deterxentes...)  que fomos xuntando en cursos anteriores e que imos aumentando coas aportacións dos nenos: esta promoción comezou a engadir as tapas dos bebibles...

As tapas son un material colorido, resistente e moi atractivo visualmente. E barato!. Nós empregámolas para o conteo, a clasificación por cores, formas e tamaños... e ademáis traballamos o gusto estético a través das composicións. Se tedes tapóns bonitos como estes, ou similares, podedes mandárnolos a clase polos nenos.  Aquí unhas das primeiras experiencias con este material:

 

Primeiras sesións na sala de psicomotricidade

 Estas fotos corresponden á primeira vez que fomos á sala de psicomotricidade. Primeiro fixemos un resumen das normas máis importantes: non mancarse nin mancar a outros, non berrar e non desfacer o que fan os demáis... (resumindo: aprendemos a respetarnos) Despois foron xogar pola sala: moveronse explorando os materiais que temos nela (bloques de espuma, cabalos, pontes, rulos e túneles, telas, bloques de madeira... ). Son fotos da primeira sesión e outra bastante posterior nas que se pode observar como algúns van pasando de xogar sós explorando pola súa conta a interactuar cos compañeiros e iniciar pequenos xogos. É moi importante este paso xa que imos vendo como aprender a relacionarse entre eles 

 E dúas frases de Einstein e Tonucci  sobre a importancia do xogo para os nenos:

Scavengers na Maía!

  Fai uns días fixemos un xogo de scavengers, rastreadores ou buscadores.  Demos un paseo hasta o muiño e lavadoiro de Castrigo e levamos cada un de nós un folio con vinte elementos (insectos, follas, brotes e outros) que ir marcando só si os atopábamos...Tíñamos que buscar as sinais da primavera. Buscamos e buscamos ata atopar a maioría das cousas. Algúns son un pelín competitivos!. 

  Tamén vimos que ao ter que escribir no chan os folios non eran a mellor opción... Na saída que fixemos despois solucionamos este problema: xa veredes como!

  Esta foi a nosa sesión de buscadores!. Unha clase máis de coñecemento do medio. O máis emocionante foi ver dando voltas por riba de nós unha parella de miñatos coa cría deste ano.  Despois na clase buscamos no ordenador como son estas rapaces e o que comen... Con razón as galiñas do veciño, que sempre andan alborotadas cando pasamos, esta vez estaban caladas e agochadas...😏

Matemáticas con dados

 Algunhas actividades matemáticas que fixemos xogando cos dados: o xogo dos coellos, a pista dos dinosaurios, crear monstros e criaturas, crear muñecos de neve, dibuxar paisaxes, crear cadros tipo Miró, Van Gogh... Algunhas destas actividades implicaban o debuxo, outras riscar nun rexistro que levaba o que ganaba, outras o conteo adiante e atrás, a lectura de cadros de doble entrada... e todas nos fixeron pasar un bo rato.

 Xogaban por parellas ou de tres en tres e na de dibuxar onde tiñan que facer paisaxes ou crear monstros ou muñecos de neve xogaban todos os da mesa. Nos de conteo antes tivemos que inventar as reglas para saber onde avanzaban ou retrocedían e crearon a "casilla terrible" e o que caía nela tiña que comenzar de novo o xogo...

 

sesión de xogos na sala grande

 Fixemos unha sesión de xogos na sala grande, mantendo as distancias e usando o espacio sin restriccións. Por turno, tamén estabamos pintando o fondo para o mural do día das discapacidades que estábamos a facer en todo o centro. 

 

 

crebacabezas navideños!

 Coa profe Marta, algúns dos nenos estiveron facendo crebacabezas navideños:

   

 

 

Traballando no chan con tizas

 Durante algunhas sesións de recreos repartimos tizas brancas e de cor aos nenos. De seguida se soltaron a dibuxar, a facer retratos, formas xeométricas, espirais, escribir os seus nomes e os dos amigos, a facer mariolas, números... O chan e as gradas serviron de improvisada pizarra "dixital" e ademáis pasárono xenial!

 

e seguimos aquí!

 Despois dos primeiros días veñen outros nos que xa nos fomos acostumando (máis ou menos e case todos) ao novo sistema de traballo, novos xeitos de actuar, coidado dos materiais, outra forma de xogar...

Aínda así botamos moito de menos andar libremente polos recantos que tíñamos, utilizar os materiais comúns  e sobre todo COMPARTIR! 

Os primeiros días...

  Unha das primeiras cousas que tivemos que modificar foi o de compartir, despois de dous cursos aprendendo a facelo... Nesta montaxe de video vedes as zonas e o material de uso individual. Esto é o que máis lles costa,  acostumados a facelo todo en grupo. Tamén a restricción de movemento que antes podían facer libremente polos distintos recantos... 

Eso sí: disfrutando de xogar e falar a carón dos compañeiros!

Os retos de Iago

Iago mandounos fotos do reto da torre: buscou na biblioteca da avóa e fixo esta que é magnífica!

Fixo este traballo ordenando as letras do abecedario: enfialas todas foi un traballo de precisión!

  Unha das propostas que vos fixéramos era definirnos con números: anos, altura, peso... Despois de case 100 días, somos eso e moito máis!. Cando volvamos algúns de esos números xa terán cambiado moito.

 

Traballou a conciencia fonolóxica escribindo as letras que faltaban...

E foi moi constante levando os rexistros diarios do tempo.

A torre de Jhon E.

 Jhon E. tamén se animou a facer o reto da torre. Empregou moitas caixas de xoguetes de diferentes tamaños e quedoulle unha supertorre máis grande que el. Reto superado!

 

O reto da torre de Carla e Marta e as cousas que nos fan felices!

Carla e Marta fixeron unha das propostas, o reto das torres. A súa torre caseira mide 1,40, e usaron casi 40 libros, unha hucha, vasiños de construccións, un sofá de Barbie e un contenedor de algodóns.... Reto conseguido!

Por suposto houbo varios intentos previos, cos conseguintes derrumbes... seique o pasaron moi ben!

  Por certo un dos libros da torre é moi interesante: "QUÉ NOS HACE FELICES?" (de VV KIDS) A  través da historia escrita por Marie-Agnès Gaudrat e das preciosas e sinxelas ilustracións de Carme Solé Vendrell, os nenos e os maiores falarán dos valores importantes e das cousas que realmente nos poden facer felices. 

Telmo xa ten 5 anos!

  O outro día Telmo estivo de cumpleanos, cumpleu 5 aniños xa. Mandounos estas fotos da festa que celebrou con Elsa e con seus primos Gael e Bruno que tamén cumpleu anos un día antes que el. Parabéns aos dous!

 Elsa regaloulle a seu irmán unha cana de pescar que fixeron na casa con uns peixiños de madeira decorados por ela. Todo un xogo de precisión e pulso que lle quedou moi bonito!

Contos, xogos e paseos ao aire libre con Lia

Lia traballou coas fichas dos contos que estivo vendo e nas que sinala que lle gustaron moito: xenial esa Mariluz avestruz e o Sapo Castrapo da casa da mosca chosca!. Tamen se dibuxou ela fronte ao coronavirus.

  Tamen estivo xogando co tres en raia  que fixo reciclando tapóns de bebibles. Un xogo perfecto para estimular a atención xa que só se perde si te despistas... Se premedes no enlace da wikipedia veredes un montón de curiosidades deste xogo tan sinxelo.  O mikado é un xogo  que precisa de destreza e habilidade para controlar a man e a coordinación ollo-man e que axuda ao desenvolvemento da motricidade fina. 

 E aquí Lia dentro do seu castelo, xa sabedes que coma no conto: unha caixa non é só unha caixa!. As posibilidades, como a imaxinación, son infinitas!.

 Cóntame Lupe que a Lia lle gusta moito ver aos seus compañeiros no blog, así que tamén nos manda esta foto con Jan. Os dous  disfrutando en bici e patinete  dos paseos  ao aire libre pola natureza: o mellor xogo!

Dinosauros, "parqués"... e bicicletas!

Jhon E. envianos unhas fotos dos seus traballos: escribindo, xogando coas sílabas, sumando e sobre todo dibuxando. Vexo moitas árbores, moi ceo azul, (que se ve que o precisan), animais e sobre todo dinosauros, que lle encantan! 

Tamén está a xogar ao "parqués", unha interesante versión de Colombia do parchís, que se xoga con dous dados o que obliga aos xogadores a ter que sumar a tirada para mover ficha.

  E por fín saleu á calle nas horas permitidas e moi ben protexido polas mascarillas de deseño que lle fixo a súa mamá. Así pudo disfrutar fora de xeito seguro e correr coa bici!. Parabéns ademáis por conseguir facelo xa sin rodíns!.