Contamos contos na Biblioteca

 A semana pasada Sandra e máis eu decidimos levar outra vez os nenos ao cole de primaria para facer unha sesión de contacontos na Biblioteca. Ademáis de contalos na clase este é un ambiente máis especial, rodeados de libros. Alí ademáis pudemos ver  nas portas, nos paneis e tamén no telón do escenario os debuxos, poemas e contos que fixemos para "pagar" e conseguir os libros no mercadillo. 

 

Escollimos "Os sete cabritillos", de OQO, un clásico que sempre lles gusta e que como vedes na maioría das caras emocionalles como a primeira vez. Leeuno Sandra e eu saquei as fotos... e encargueime de "interpretar" ao lobo😊

  

Importancia dos contos durante a etapa infantil:

·  Fomentan o hábito de lectura.

·  Estimulan o desenvolvemento da linguaxe: aumentan o vocabulario e melloran a pronunciación.

·  Axudan a integrar normas de conducta e comprender comportamentos.

·  Axudan a mellorar a creatividade, desenvolver a imaxinación e fomentar o pensamento reflexivo.

·  Fomentan a atención, a escoita e exercitan a memoria para despois facilitar a adquisición de aprendizaxes máis complexos.

·  Axudan na adquisición de valores e conceptos éticos.

·  Axudan a descansar e relaxarse tanto pola noite como na clase.

·  Crean momentos especiais entre os adultos e os nenos.

.....e son unha fonte de diversión!!! 

 

 

"As chaves dos soños" de Ana Meilán

A visita de Ana Meilán e os seus contos estannos dando moito do que falar. Volvinlles a contar "as chaves dos soños" no que a nena protagonista ás veces ten medo pola noite xa que ten pesadelos cando durme. Pero un día súa nai cóntalle un segredo e regálalle un montón de chaves diferentes que lle permiten "viaxar" polo mundo dos soños e ter moitas aventuras e incluso algún pesadelo ata que lembra o poder das chaves e consigue superar o medo.

 Esta historia permiteunos falar dos soños, dos pesadelos e dos medos que todos temos ás veces... Ademáis a profe Sandra consigueunos un montón de preciosas chaves, púxenlles un lazo vermello para non perdelas (as de Adele son azules) e cada un escolleu unha para poñer baixo a almofada. Espero que funcionen e teñades bonitos soños!

Bailando con cintas de vento

 

Uns días antes das vacacións, Sandra estivo facendo "cintas de vento". Para eso atou lazos de cores en gomas que despois colocamos nas muñecas dos nenos.  Eu ademáis conteilles aos nenos o conto de Lola con alas: que vai da superación da tristeza da man das cores.

E, de remate, na sala de psico puxemóslles (entre outras músicas) a primavera de  Vivaldi para que se movesen libremente pola sala. E Bailamos!

 

Sementando landras no outono

  Este parece ano de landras, e moi boas. Ibamos plantar as que tiñamos pola clase pero coa calor secáronse de máis e trouxenlles outras máis frescas que ademáis chamaban a atención polo tamaño e porque xa estaban asomando as puntas das raices en algunhas. Así que puxémonos mans á terra e plantamolas en macetas.

 
 Cómo lles gustou meter as máns na terra!. Os nenos encargáronse de encher  cada un a súa maceta, escoller as landras máis grandes ou xa algo abertas. Ademáis tiñán que contar tres ou catro e plantalas a pouca profundidade. Agora témolas nas ventás da clase e tócanos coidalas e esperar a que nos medre un bosque de carballos que co tempo levarán a casa para que lles busquedes un sitio. Agora imos traballar a paciencia!

  Para "meternos en ambiente" levamos días contando contos nos que tratamos conceptos previos sobre as estacións e o paso do tempo, qué é un bosque e quén vive nel e sobre todo da perseverancia ante as dificultades como  "Xaime e as landras"  e "O duende Pes lixeiros". 

Visita de Charo Pita

  O venres tivemos unha fantástica sorpresa: "visitounos" por Webex a contacontos Charo Pita. As aulas de infantil  e despois as de primaria, pudemos escoitala de xeito simultáneo a través do ordenador da clase. "Contounos e cantounos" contos de bruxas e do Samaín. Esta escritora, contacontos e  licenciada en Filoloxía Hispánica na súa biografía dí que: "naceu á idade de seis anos cando rematou de ler o seu primeiro libro. Nas súas propias palabras recoñece estar sempre a medio camiño: nin pícara nin adulta, nin gorda nin fraca, nin loura nin morena, nin india nin vaqueira, nin de aquí nin de alí, unha salvaxe apracible, entre o po da viaxe e a modorra dunha butaca vella, unhas veces coa palabra na boca, outra coa música...".  Imparte talleres de narración oral, estudou Canto, Interpretación. Como escritora recibíu varios premios literarios e entre as súas obras están: El ratón que quería un palacio, Pio pio, diversión pop up, Un caracol?, Cucutrás de animais do mar, Igor, Velliñas, Maxia, A rúa da tixola, Quen pode vencer o vento?,  Estamos no verán!!!, Oxalá estiveses aquí, No país do vento, Andar aos biosbardos, e Contos baixo o freixo engurrado.

Xa nos ten visitado en persoa noutras ocasións: Ver este enlace da Biblioteca aquí+ 

O sarcófago do faraón

  Falando falando, como moitas veces, algunhas das nenas déronse conta que unha das montañas do quebracabezas de papel que estaban facendo parecía unha pirámide e así chegamos a un tema moi interesante: os tesouros dos faraóns do Antigo Exipto. Conteilles a historia de como, case por azar, Howard Carter atopou a tumba de Tutankamón e os tesouros que alí se gardaban. Despois buscamos máis información nos libros e na rede e puxémonos a facer un SARCÓFAGO. Cortar e doblar as pezas foi un traballiño...  E  iban con momia incluida!

 

 

Canción: A que sabe a lúa?

 Na clase de  música coa profe Carla, os nenos traballan moito con cancións de artistas galegos, tanto para potenciar a nosa lingua como para fortalecer a linguaxe xestual e incluso de signos. Aquí están interpretando  "A que sabe a lúa?". Os nenos e nenas amosan nestos videos o que disfrutan interpretando e cantando cancións coma se de un xogo se tratase. A fin de contas, diso vai o tema: de aprender xogando e cantando. Esperemos que disfrutedes tanto coma eles.

 

"Te quiero (casi siempre)" e a diversidade

  Falando da diversidade, as diferencias e o respeto que debemos ter polos demáis, estivemos vendo "TE QUIERO (casi siempre)" un conto de Anna Llenas (autora tamén de O monstruo de cores). A través das aventuras de Lolo o bicho bola e de Rita a luciernaga conversamos das nosas propias diferencias e do aburrido que sería ser todos iguais.  Por suposto vimos as características destos animaliños, pero sobre todo falamos de RESPETO.

(AQUÍ vos poño o enlace con unha versión en video do conto, que ademáis ten pictogramas)

  As diferencias que ao principio fan que Lolo e Rita se sintan moi atraidos un polo outro, acaban logrando que se anoxen e se separen hasta que comprenden que si se respetan e admiten que teñen distintos intereses, poden seguir sendo os mellores amigos... case sempre!.

 E estes foron algúns dibuxos que fixemos do conto de Lolo o bicho bola e Rita a luciernaga.

 

O día do millo

Coma nos anos anteriores falamos dos productos de outono... e do millo. Telmo, que é un entusiasta do tema volveunos comentar que os avós e os veciños tiñan moito millo. Así que lle pedín a seu pai se nos podía conseguir un par de espigas de millo. Xa vedes a manchea que nos trouxeron: unhas preciosas espigas de millo de cores que temos na clase (aínda que non podemos tocalo e pasalo ou debullalo coma antes... ). Despois dibuxamos as nosas espigas de cor.

 Falamos das tarefas que se precisan para ter boas plantas de millo. Telmo foi o encargado de explicarlles aos compañeiros como se cultiva, que maquinaria se emprega e moitas cousas máis, como que cando se garda o millo é convinte quitarlle os pelos ás espigas para que os ratos non fagan as súas casas con el. Como algunhas espigas traían as follas contounos que era para atalo e colgalo. Falamos dos moitos usos do millo: como alimento para as persoas e os animais,  (pienso, fariña, palomitas, gusanitos...), antiguamente para facer xoguetes cos carozos (bonecas, lembrou Lia ), colchóns coas follas, e incluso bolsas biodegradables. Vimos o conto de "la gallinita sabia" de Disney que explica moi ben todo o proceso de cultivo e cantamos a canción de "Pan de millo", do grupo Migallas.

Tamén falamos dos muiños como o de Castrigo que fomos ver e de como funcionan. E vimos un documental do  museo dos muiños de Taramundi.

Como falamos do "DÍA DO MILLO", así con maiúsculas, Telmo pensaba que era pouco menos que unha festa institucionalizada máis. Na nosa clase xa o é!. Unha idea fantástica para propoñerlle a quen corresponda!. De feito hai aldeas que lembran estos traballos, por exemplo en Meiro, Bueu, teñen a Festa do millo corvo (casi negro) que está declarada de Festa de Interés turístico de Galicia. Seguro que son máis!. Ou deberían!.

 

Cousas que nos fan felices, con Marta e Carla

  Carla e Marta mandáronnos uns dibuxos sobre o libro que aparecía na súa última entrada: "QUÉ NOS HACE FELICES?" de Marie-Agnès Gaudrat onde nos contan algunhas cousas que realmente nos poden facer felices.     

 

 Un libro para pensar nas cousas sinxelas que nos poden facer felices!

Abril, un lagarto de cabeza azul... e un conto para voar alto!

Abril  comparte con nós varias fotos nas que está traballando na casa: recortando palillos para facer o seu nome. Cóntame Carola que no bosque fai as letras coas follas dos pinos, que é máis divertido!

  Tamén nos enseña o dibuxo dun precioso lagarto verdinegro de cabeza azul que atoparon no bosque. O "lagarto das silveiras" é un dos mais grandes e fermosos que temos en Galicia (chega a medir máis de 40 cm!) e aos machos cando están en celo pónselle a cabeza moi azulada. Abril e Vera quedaron encantadas de velo. Póñovos unha foto ao lado do seu dibuxo para que vexadas que bonito é!. Que sorte tiveron de poder velo xa que cada vez quedan menos!.  

 Tamén o pasou moi ben pintando con pincel e témperas as letras do alfabeto e decorando mandalas.

 E sempre procuran dedicarlle un momento aos libros: Vera a veces encárgase de lerllos a Abril. Na foto están con un precioso libro "para pensar" escrito e ilustrado por  Raquel Díaz Reguera : "As nenas serán o que queiran ser".

  Este libro é a continuación de "As nenas voan alto", onde tres amigas teñen grandes soños (ser piloto, ser violinista e ser unha gran escritora). Pero a banda de Don Nonoconseguirás énchelles os bolsillos de pedras (os mensaxes negativos) para que non poidan voar e conseguir os seus soños. Nos dous libros a banda  intenta evitar que as nenas sexan libres e felices. Pero elas contarán coa axuda do Sr Siquerespodes. Trata sobre as espectativas das nenas (e tamén dos nenos) e da importancia dos mensaxes positivos.

Contos, rexistros, bichos... e unha mensaxe de Iago!

 Cóntame Nuria que Iago está a facer moitas cousas estos días. Tódalas noites aproveitan ese momento antes de durmir para ver algún dos contos que enviamos e, aínda que moitos xa os viu 3 ou 4 veces, encántalle velos de novo e  despois recórdaos para facer as fichas.

 

  Observaron o ciclo da auga a través da bolsa que colgaron na fiestra: viron como se evaporaba e empañaba a bolsa e logo viron as pequeñas pingas de auga. Esta experiencia sirve ademáis para explicarlles que a auga non é un recurso ilimitado: sempre é a mesma e por eso temos que coidala!.

 Levou diariamente o rexistro do tempo, e agora podemos ver moi ben documentado como foi o mes de abril: catro días de sol!.

 Fixo un gran traballo de observación e descripción cos insectos que lle andaban polo xardín: lagartixas, escaravellos das patacas, xoaniñas e mosquitos.

  Seguiron coas propostas e fxeron una botella sensorial con purpurina azul.  Tamén copiou a receta e fixo un debuxo do doce que lle axudaron a facer a avóa. Aquel  flan con biscoito que tiña tan boa pinta!😋

  E xogaron a formar palabras coas sílabas recortadas.

  Como tamén se ten que traballar co corpo dedícalle parte do tempo a xogar coa pelota: por suposto coa camiseta do Real Madrid, que é o seu equipo favorito. E por fín pudo saír a tomar o aire fresco, con responsabilidade, xa que Iago tamén está bastante concienciado co uso da mascarilla. 😷

.........................................................................

💓👉Transmítovos unha mensaxe da súa parte: "Parabens a todos os compañeiros e compañeiras que cumpren anos nestes días, esperamos que a pesares das circunstancias poidan disfrútalos coas súas familias".💋