"As chaves dos soños" con Ana Meilán

 

Dentro das actividades de animación á lectura, o pasado mércores 19 de outubro visitounos a escritora Ana Meilán, autora de Oito patas, O lobo Rigoberto, Lágrimas baixo a cama, Mil animais podes ser e moitos máis contos que temos tanto na Biblioteca do centro como en infantil. 

 

 Tivemos tres sesións de contacontos e a nós contounos a historia de "As chaves dos soños". Agasallounos con marcapáxinas do libro e con unhas pequenas chaves de madeira para que as puxésemos baixo as almofadas por si tíñamos pesadelos. Gustáronnos moito os seus contos e pasámolo moi ben coa súa visita. 

 

Visita de Charo Pita

  O venres tivemos unha fantástica sorpresa: "visitounos" por Webex a contacontos Charo Pita. As aulas de infantil  e despois as de primaria, pudemos escoitala de xeito simultáneo a través do ordenador da clase. "Contounos e cantounos" contos de bruxas e do Samaín. Esta escritora, contacontos e  licenciada en Filoloxía Hispánica na súa biografía dí que: "naceu á idade de seis anos cando rematou de ler o seu primeiro libro. Nas súas propias palabras recoñece estar sempre a medio camiño: nin pícara nin adulta, nin gorda nin fraca, nin loura nin morena, nin india nin vaqueira, nin de aquí nin de alí, unha salvaxe apracible, entre o po da viaxe e a modorra dunha butaca vella, unhas veces coa palabra na boca, outra coa música...".  Imparte talleres de narración oral, estudou Canto, Interpretación. Como escritora recibíu varios premios literarios e entre as súas obras están: El ratón que quería un palacio, Pio pio, diversión pop up, Un caracol?, Cucutrás de animais do mar, Igor, Velliñas, Maxia, A rúa da tixola, Quen pode vencer o vento?,  Estamos no verán!!!, Oxalá estiveses aquí, No país do vento, Andar aos biosbardos, e Contos baixo o freixo engurrado.

Xa nos ten visitado en persoa noutras ocasións: Ver este enlace da Biblioteca aquí+ 

Unha Chelidra na clase!

 

 A CHELIDRA serpentina, tartaruga lagarto ou tartaruga mordedora americana é unha especie que se caracteriza polo seu tamaño, polo longo pescozo e por ter unha cola tamén moi longa e con unha serie de picos que lle dan un aspecto prehistórico. O profe Rubén trouxonos unha a clase para que os nenos a pudesen ver e explicounos cómo se alimenta, de onde ven, cómo se comporta e cómo se debe coidar. Esperamos ata agora porque ven de hibernar case 6 meses con mínima actividade. No seu medio natural come peixes e outros pequenos animais, incluso paxaros que atrapa lanzando o pescozo a gran velocidade!. Quedamos fascinados por esta prima lonxana da nosa mascota Chanclas: só se parecen no nome, xa que esta debe pesar uns 14 kilos!.  Moitas gracias Rubén por esta clase!

 

Hora de ler cos nenos e nenas de primeiro!

   O pasado xoves os nenos e nenas de primeiro co seu profe José Luis viñeron a clase na hora de ler. Unha proposta do equipo da Biblioteca. Primeiro presentámonos uns a outros aínda que moitos xa se coñecían e tamén había algunha irmá. 

Dixeron que iban ler o conto "LINA VUELA EN ALA DELTA" de  Elisa  Mariscal e Emilio Urbeaga, publicado pola Editorial Santillana. 

 Preguntáronlles si sabían que era unha ala delta ...a máis rápida en contestar foi Lola!

 

 Uns leían e outro era o encargado de mostrarlles as ilustracións

 

 Cando rematou a lectura, falamos do cambio entre infantil e primeiro, do que uns pensaban que iba ser e do que lles parece agora, do que botaban de menos e de algunhas cousas coas que disfrutan. Jimena contounos que ao principio tiñan algo de medo polo cambio, pero dixo que despois xa non e que agora lles gustaba.

 

 Pola nosa parte contámoslles os recantos que temos na clase e algún dixo que sabía que os maiores teñen unhas mesas diferentes que as nosas (con caixóns debaixo para gardar as súas cousas)

 A visita rematou cunha invitación dos maiores para visitalos na súa aula. 
Alí estaremos!

Gracias aos nenos pola visita e  ao profe José Luis por traelos!

 Algunhas imaxes do libro

Amadriñamentos lectores cos nenos de 6º

   Nunha actividade proposta polo Equipo de Dinamización da Biblioteca, os alumnos de 6º de primaria fixeron os amadriñamentos lectores cos pequenos de infantil. Na sala de psicomotricidade os maiores estiveron lendo para nós e todos o pasaron xenial!. A nós tocounos o pasado xoves e estaban impacientes. 

 Podedes ver os videos coas fotos da sesión nesta  LIGAZÓN  co blog da Biblioteca.

 

Maxia en Ames

  A semana pasada  celebrouse o décimo cuarto Festival de Maxia de Ames e nos centros de ensino do concello tivemos un adianto o luns. Todo o alumnado de infantil e primaria foi pasando por quendas pola nosa sala de psicomotricidade.  O mago Joshua Kenneth  e o Mago Paco  pasaron a mañán facendo trucos de ilusionismo, maxia e movemento. Despois da maxia os nenos remataron bailando e comendo unhas monedas máxicas de chocolate. (Non saquei moitas nin boas fotos porque tamén foi o primeiro día de Marcelo: un pequecho de tres aniños que se incorporou á nosa clase xusto este día!).

Uxía Lambona e a banda molona

   Por si non vistes a entrada que puxen na web do concerto de Uxía Lambona e a banda molona" entretiveron e fixeron bailar aos nenos do colexio o mércores da derradeira semana do curso.  

Este grupo pretende sobre todo divertir os pequenos, achegándolles temas tradicionais galegos dunha forma nova e atractiva, empregando novos estilos musicais (ska, rock, hip-hop...) para que coñezan e manteñan a nosa música tradicional popular.  Foi unha actividade organizada polo Equipo de Actividades Complementarias. Pasárono xenial no concerto!

CONCERTO DE UXÍA

 MONTAXE DAS FOTOS DURANTE A ACTUACIÓN

 Podedes ver unha selección das cancións do grupo no blog de 5ºC de infantil.

Iago, Nuria, Pablo e "o mago Turlututú" de Hervé Tullet

  Os pais de Iago viñeron a clase a contarnos o conto de Hervé Tullet "Turlututú é un mago" da Editorial Kókinos e fixéronnos xogar seguindo os seus mandados. Un fantástico e colorido álbum ilustrado para os máis pequenos, dun autor que nos encanta e que xa nos ten afeitos ao xogo co libro, onde é necesaria a participación  do lector. Con moitos títulos publicados, este ilustrador francés organiza talleres con nenos por todo o mundo que veñen sendo sesións de arte en directo. Opina que "a arte non é un fin senón un medio". Tamén dí que non hai cadros bonitos ou feos... El confía na intuición dos nenos e nunhas dinámicas de grupo para crear arte en colaboración. Ten outro libro que vos recomendo: "Divírtete. Talleres de Arte con Hervé Tullet (Editorial Phaidon) onde propón actividades artísticas para  potenciar o noso lado máis creativo. Unha boa "lectura-inspiradora" para o verán!

 

 Nuria e Pablo trouxéronnos tamén un títere de calcetín feito pola avóa de Iago e outros  para cada neno en cartulina que despois pintamos como quixeron e convertimos en títeres de pao.

 Pasamos un rato moi divertido!  Moitas grazas por vir!

Adela, Ainhoa, Tito o malabarista e un chisco de maxia!

   Dentro das visitas de animación á lectura  Adela, a nai de Ainhoa, veunos ler o libro "Tito malabarista" (editorial Edelvives), escrito e ilustrado polo belga Guido van Genechten  do que seguro coñecedes outros libros xa que ten publicados máis de 40.

   Resumo do conto: Tito é o paiaso estrela do circo. Ao público gústanlle moito as súas actuacións, pero un día sucede algo estraño: o seu nariz desaparece!. Tito queda moi triste e comeza a buscalo pero non atopa o nariz redondo que desexa. Pensa que iso significará o seu final, pero o dono do circo anímao e faille ver que ao público gústalle el, aínda que non teña nariz e finalmente comprende que o público o quere igual.

 

  Ademáis de ler o conto  Adela fixo maxia cun xogo de descubrimento de formas xeométricas. Non imos desvelar a seu secreto! pero tivemos que aprendernos e recitar unha frase máxica e tamén soplar nunha bolsa... E así todos acabamos conseguindo unha máxica nariz de paiaso como a de Tito.

 Foi moi divertido!

  Cando todos conseguimos o nariz buscamos en internet un dibuxo de Tito para colorear. MOITAS GRAZAS A ADELA por traernos este conto e tamén UN CHISCO DE MAXIA PARA COMPARTIR!

Un coelliño na clase

   Á clase veu de visita un animaliño que nos deixou encantados. Un coelliño que pronto se deixou acariñar.... despois dos primeiros medos polas dúas partes. Aprendimos a tocalo con coidado, a non asustalo facendo ruido e a ser bastante coidadosos con el. 

  A profe Marta ensinounos como se colle con delicadeza, xa que son animáis moi fráxiles e asustadizos. Os nenos enseguida querían saber todo deste pequeno mamífero, como é o seu pelo, onde tiña as unllas, onde vive...

  Casi todos quixeron telo nos brazos e o coelliño colleu confianza de seguida. Pasamos un bo rato!