Celebrando o día do libro

 Para o pasado Día do libro participamos na proposta do Equipo da Biblioteca de de crear unha "maqueta" dun libro, con portada, lomo, título... Vimos como algúns libros que temos na clase teñen as páxinas cosidas e fixemos así a nosa "maqueta". Pero despois empregamos as fotos que nos enviastedes do coelliño de Pascua que fixemos na clase para montar unha historia das súas viaxes. Así os coelliños foron ás casas dos nenos, dos avós,  ao parque, estiveron na praia e no rio, andiveron en todoterreno, atoparon ovos de chocolate... e algúns viaxaron moi moi lonxe.

  Podedes ver os libros que fixeron os compañeiros de infantil premendo AQUÍ no blog da Biblioteca.  Pronto estarán tamén os de primaria que foron individuais. Impresionantes!. E todos estiveron expostos na Biblioteca.

(algunhas das fotos que mandastes)

 

 

Unha estanteiría para o Día do libro

 Na clase respondimos á pregunta do Equipo da Biblioteca sobre que é para nós un libro? facendo este mural. Uns decían  que son para ler, para que nolos lean os papás, outros para aprender, para divertirse, para escribir... e outros dixeron cal era o seu libro favorito. E todo o puxemos nesta estanteiría que colocamos cos outros murais nos corredores do colexio:

 ademáis os libros son o noso paraugas contra a ignorancia...

Dioramas dos contos

 Unha das propostas que fixemos no mes do libro para 4 anos era a de crear con materiais que tiverades pola casa, un diorama, unha maqueta dun conto que lles gustase aos nenos. Empregastes: caixas, cartóns, telas, playmobiles, pezas de xoguetes, gominolas, tartas, dibuxos, recortes, plastilina, madeiras, a neve artificial da outra proposta, piñas, ramas... En fin moitos materiais diferentes e sobre todo moita imaxinación!. Coas fotos que me enviastes das vosas preciosas creacións fixen esta montaxe. 

 

(Si vedes que falta algún ou o fixestes despois, avisádeme para que volo engada)

Iago e as experiencias sensoriais!

 Iago estivo a traballar con moitas das propostas que fixemos desde o cole. E polo que me conta Nuria pasouno en grande coas experiencias. Cóntanos que está a ver aos compañeiros e compañeiras aquí no blog e tamén os contos da profe Estela.

Aquí está pintando con colorantes sobre espuma de afeitar.

 

Tamén axudou na casa facendo coa avóa unha estupenda receta de flan de ovo con base de biscoito!   da que esperamos ver pronto os ingredientes para copiala.😋 😉

 E traballou con pauciños e plastilina de cores para construir estas  figuras xeométricas.

 Divirteuse moito facendo o ovo saltarín (metido varios días en vinagre, para que o ácido disolvese a cáscara). E fixoo saltar ata que tivo o final lóxico:  inevitable... e divertido!

 Con auga e colorante fixo o falso microscopio e cun vaso buscou no fondo os dibuxos de animais agochados.

 

 Está coidando moi ben as fabas e lentellas que lle naceron: seguro que dentro de pouco lle nacen flores e consigue ter algunha faba!. E polo DÍA DO LIBRO recibeu da súa avóa este precioso libro  "A mellor sopa do mundo"

 

 Un album ilustrado de Susanna Isern, editado por OQO, que vos recomendo e  que ademáis das preciosas ilustracións  de Mar Ferrero fala da amizade e de que:

 "O MELLOR INGREDIENTE... SON OS AMIGOS!"

Cristina, Sabela, Rami e Lara: "Ter amigos é divertido"

  Dentro das visitas dos papás e mamás para contarnos contos, houbo unha excepción. Como os de Lara non podían vir "delegaron" en Cristina, a súa irmá maior. Foi unha experiencia moi bonita de lectura de maiores a pequenos e Lara estaba moi emocionada coa visita. Cristina veu con dous compañeiros de clase, Sabela e Rami e entre os tres leron o conto "Ter amigos é divertido" de Rob Lewis. 

 Durante a visita os pequenos estiveron moi atentos a esta historia...  e aos contadores e portáronse xenial.

  Reseña: Ambrosio é un coelliño que se muda a un sitio novo, o que máis lle gusta é nadar e intenta buscar amigos cos que poida compartir a súa afección pero vainos rexeitando porque todos teñen algún defecto para el... Ao final acaba por decatarse de que é máis importante ter amigos que calquera outra cousa.

 

  Unha historia sobre o respeto na que vemos que todos somos diferentes e que hai que aceptar aos demais tal como son, xa que todos nos poden aportar algo.  

Moitas grazas a Cristina, Sabela e Rami por contarnos este conto!. 

Unha proba de que ter amigos é divertido!

Roberto e Belén contan "O sol chega tarde"

   Seguindo coas visitas dos pais e nais para contarnos un conto, Roberto e Belén, os pais de  Carla e Marta trouxeron "O sol chega tarde". O texto de Susana Peix conta a través das fermosas ilustracións de Anna Llenas o que pasa un día que o sol non desperta a tempo e as dificultades que atopa para que se faga de día. 

   Unha divertida historia sobre como sobrepoñerse ás dificultades que nos podemos atopar.

   Carla e Marta estaban moi emocionadas por ter na clase a seus pais. Moitas grazas Roberto e Belén por visitarnos e compartir con nós esta bonita historia.

 

Esta é unha montaxe coas fotos da visita. Espero que vos guste!

 

Verónica, José Manuel e Martín

Os pais de Martín, Verónica e José Manuel, viñeron a clase a celebrar con nós o Día do Libro. Agasallaron a cada neno cun libriño cos seus nomes que fixeron eles, para que esta vez fosen os propios nenos os lectores. Como actividade para facer en familia na casa deixamos a segunda parte: en cada páxina tiñan recoñecer os nomes e pegar as fotos dos seus compañeiros... así que tamén fixeron de editores.

  Despois escollimos para contar un conto dos que temos na clase: Os tres porquiños.  Escoitárono coa misma emoción e sorpresa que as outras cen veces que seguro o fixeron antes!. Todo un clásico!

 Moitas gracias Verónica e José Manuel por vir a clase a participar nesta actividade... e polo traballo de facer os libriños personalizados.

 

De que cor é un bico?

  Recibimos a visita da nai de Lola, Carmen, que nos trouxo un precioso conto: "De que cor é un bico?". Recibírona cunha chea de abrazos e despois foron presentándose e escoitaron con moito interés. Lola estaba moi emocionada axudando á súa nai. Despois de ver as coloridas ilustracións intentamos dibuxar bicos e corazóns das nosas cores favoritas....  Este conto é de Rocío Bonilla  e no enlace do nome podedes entrar na páxina para ver outras das súas obras.

 

 

  Reseña: A Minimoni encántalle pintar mil cousas de cores: xoaniñas vermellas, ceos azuis, plátanos amarelos... pero nunca pintou un bico e quere saber de que cor será? Vermello coma unha deliciosa salsa de tomate? Non, porque tamén é a cor de cando estás enfadado... Será verde coma os crocodilos, que sempre lle pareceron tan simpáticos? Imposible, porque é a cor das verduras, e non lle gusta comelas!. Nin blanco porque é frío .... A través das páxinas do conto vai intentando averiguar de que cor serán. 

 Moitas grazas Carmen por vir a clase a compartir con nós este conto!

Un conto na porta:" Lola con alas"

  Este ano para conmemorar o Día do Libro o equipo de dinamización da Biblioteca propúxonos transformar as portas da clase en portadas de conto. 

   Nós escollimos o de "LOLA CON ALAS" entre moitos da clase, porque así todos podíamos participar dalgún xeito… O conto trata de como os estímulos que proceden da arte e as cores poden cambiar o estado de ánimo dos nenos e aumentar a súa sensibilidade artística. Ademáis é un conto moi divertido e creativo que fomenta a colaboración e a creatividade.

    Lola está triste, soa na habitación e todo lle parece gris... menos o cadro da parede cheo de coloridos paxaros. Así que decide poñerse algo de cor e comeza cun sombreiro verde, medias amarelas, zapatos azuis, vestido rosa… Logo pinta a cara de azul, os brazos a raias laranxas, a punta dos dedos de morado, a boca de vermello e conforme o fai, vaise poñendo de mellor humor. Tanto que ata consigue voar  e pasar unha tarde divertida cos paxaros fantásticos do seu cadro.

  NA MONTAXE PODEDES VER TODO O PROCESO DA NOSA PORTA: (no blog da Biblioteca podedes ver tamén as portas que se fixeron nas outras clases)

   A autora-ilustradora desta historia é POLLY DUNBAR. Naceu en Stratford-upon-Avon (onde tamén o fixo William Shakespeare) e comezou a ilustrar libros con 16 anos ata  graduarse en Arte en 1999. A súa nai Joyce Dunbar é a autora de libros infantís, e o seu pai traballou como ilustrador e como profesor de arte.

Alessandra e Patricia: what do you see?

      Dentro das actividades do mes do libro visitounos Patricia, a nai de Alessandra que, como é profe de inglés, veunos a contar... e cantar varios libros nese idioma. Unha clase extra de inglés na que Alessandra fixo de axudante.

    Como sabe que nos gustan moito, presentounos libros sobre animais e iba facendo preguntas sobre o que estos vían ou oían. "What do you see? e What do you hear?". 

   Tamén pasou pola clase Susana, que ademáis de ser a nosa profe de inglés é irma de Patricia e tía de Alessandra... co cal podedes supoñer cómo de contenta estaba a nena!

  De remate, Patricia leeunos un libro (AGAIN), no que un pequeno dragón que non se cansaba de escoitar contos pola noite unha e outra vez... acaba agotando a súa nai...

  No video, ademáis das fotos da sesión, puxen uns anacos dos contos que nos cantou Patricia. Espero que vos gusten!. E moitas gracias Patricia por virnos visitar!

A visita de Mayte

Seguindo coas visitas lectoras, tocoulle o turno a Mayte, a nai de Martina, que estaba un puntiño máis alá de impaciente... Mayte trouxo varios contos pensados para romper tópicos e para facer pensar nas cousas desde un punto de vista diferente e integrador. Contounos primeiro O CONTO DAS CORES nas que cada unha delas se sinte e comporta dun xeito diferente ata que chegan os aburridos incoloros e pretenden cambialos. Pero as cores non se deixan e ademáis fan aparecer unha nova: a cor VIOLETA.

 Despois leunos o divertido libro "LAS PRINCESAS TAMBIÉN SE TIRAN PEDOS" co que se rompen tópicos partindo dos contos tradicionais das princesas: na clase a Laura xurdiulle unha dúbida moi importante despois de falar sobre Cincenta xa que o seu amigo Marcelo díxolles que a famosa e delicada princesa tirábase moitos peidos. Ela non o podía crer e cando chegou a casa preguntoulle a seu pai. El, que lle gustan moito os libros e as boas historias, tiña o libro secreto das princesas onde Laura atopa as respostas a todas as súas preguntas. Ese libro sería un segredo entre pai e filla. Así lle explica a verdadeira historia da Cincenta, de Brancaneves e a Sereiña. Laura xa pode estar tranquila: as princesas botan peidos! E NON PASA NADA!!!
     Unha historia escrita por Ilan Brenman para darlle unha volta divertida aos contos máis clásicos  e romper tópicos. A ilustración de Ionit Zilberman  é moi divertida, e métenos nun  mundo de princesas un pelín peideiras. Se ledes o libro veredes porqué os ananiños meten a Brancaneves nunha caixa de cristal!! UFFF

     Despois Mayte leunos "O DÍA DOS PÉS", un pequeno conto sobre unha parte do corpo que sempre esquecemos e temos encerrada entre calcetíns e zapatos de todo tipo. Un día os pés van por libre e na clase xogamos con eles un rato moi divertido. Ademáis como despois tíñamos clase de psico tocounos descalzarnos para liberar os pés... Sempre é un momento moi relaxante e divertido e que nos fai moita falta!

  Gracias Mayte por estes contos tan divertidos e por pasar este ratiño con nós! 

premendo AQUÍ está o KIZOA coa s fotos do día