UNHA DE ROMANOS !

       O último proxecto de este curso é un traballo sobre Os romanos que desenvolvimos os de 6ºC e 6ºB de infantil a partires dun documental da BBC que nos pasou María sobre as loitas de gladiadores e que os deixou impresionados. Despois Sara trouxo unha película de "Erase unha vez o home" e Alejandro veu con outra sobre "os romanos na Galia de Asterix" e entón xa collimos "carrerilla" ... Falamos da orixe de Roma (de Romulo e Remo criados por unha loba), dos Césares, das lexións romanas que conquistaron todo o mundo coñecido e de moitas pequenas historias como a das ocas do Capitolio que despertaron aos cidadáns de Roma cando eran invadidos polos bárbaros.   

      Un día collimos cordas e teas de cores na clase psicomotricidade e arreglamos túnicas e togas  para vestirnos coma eles: despois estivemos vestidos de emperadores un bó ratiño!  

               

        Aprendimos a escribir os números romanos e vímolos nos reloxos. Vimos palabras romanas que perduran hoxe como diñeiro que ven dos denarios e o as da baraxa e moneda que procede da deusa Moneta. Tamén falamos da orixe dos nomes dos días: xoves estaba adicado ao deus romano Xupiter ou Xove, martes ven de Marte, o deus da guerra, e venres de Venus... falamos das cores das túnicas e togas romanas, da púrpura imperial que so se lles permitía aos emperadores... E, como curiosidade, a palabra candidato procede da túnica cándida que  levaban os patricios que pretendían acceder ao senado romano...(un blanco puro que representaba a pureza de ideais para servir ao pobo )

    

      Escribimos con punzós nunha tablilla feita con cera que derretimos nunha caixa de madeira, e fixemos cuádrigas de cartulina  e cos bloques de madeira e xogos de clase construimos campamentos, acueductos e circos romanos... E fixemos moitos dibuxos!

      Vimos fotos das obras dos romanos e falamos das que temos cerca, como Pontemaceira, as murallas de Lugo ou a Torre de Hercules. E varios nenos foron con seus pais a visitar esos monumentos e mandáronnos moitas fotos do que viron por alí.

                                    

      E agora neste movie maker vemos: UNHA DE ROMANOS!

EL GATO Y LAS SARDINAS

       Ao longo deste curso, durante as sesións de expresión oral, os nenos e nenas da clase estiveron a inventar un conto  coa profe Mercedes. Traballaron a creación de personaxes, a invención dunha trama e finámente díronlle á historia creada un desenlace. Esto foi o que máis lles custou, xa que comezaron a introducir moitos personaxes e tramas alternativas, así que houbo que "podar" un pouquiño a historia.  Ademáis procuraron introducir no conto os nomes de todos eles e traballaronse as emocións, os sentimentos e as motivacións de cada  personaxe. Despois de ter a base central da  historia, que medraba e modificábase  día a día, pasamos a dibuxar as escenas e fomos escollendo as máis representativas, xa que, por exemplo, atopámonos con moreas de sereiñas por un lado e outros tantos castelos e dinosaurios por outro...

        Despois gravamos frase a frase toda a narración, intentando superar o "medo escénico"... e os ruidos de fondo dos 25 técnicos e  finalmente, coas imáxes e as voces gravadas, fíxenlles esta montaxe do conto.

Sábeno de memoria, xa que foi medrando con eles e, durante as probas que fixemos, moitos van recitando as frases e engadindo detalles das escenas e por suposto decindo quen dibuxou cada cousa...

          Así que aquí está "EL GATO Y LAS SARDINAS" : espero que vos guste!

guionistas, dibuxantes , voces e equipo técnico : os nenos e nenas de 6º C de infantil

dirección literaria : Mercedes, dando pautas aos ao equipo técnico,

e a miña colaboración técnica na fotografía, són e montaxe.