HORARIO DE 4º C-CLASE 3 DE EI

Este é o horario que imos ter ao longo de este curso.
Lembrade poñerlles roupa cómoda os días de psicomotricidade e calzado que sexa doado de quitar e poñer. O chandal e o velcro son as mellores opcións.

HORARIO  SEMANAL  : AULA 3   –    4ºC    INFANTIL -  2012-2013
HORARIO	LUNS	MARTES	MÉRCORES	XOVES	VENRES
de   9,05 a   9,55	ENTRADA	ENTRADA	ENTRADA	ENTRADA	ENTRADA
		PSICO MOTRICIDADE
de   9,55 a   10,45			INGLÉS		GRAFO MOTRICIDADE
de  10,45 a   11,35
	HIXIENE/ ALMORZO	HIXIENE/ ALMORZO	HIXIENE/ ALMORZO	HIXIENE/ ALMORZO	HIXIENE/ ALMORZO
de  11,35 a   11,55	RECREO	RECREO	RECREO	RECREO	RECREO
De 11,55 a  12,25	Hora de ler	Hora de ler	Hora de ler	Hora de ler	Hora de ler
de  12,25 a   13,15	LINGUAXE SENSORIAL	RELIXIÓN /AE		PSICO MOTRICIDADE	LINGUAXE ORAL
de  13,15 a   13,45
De 13,45 a   14,05	Recollida da   aula, preparar as tres filas : de casa , do comedor e autobús  -  SAÍDA

A CLASE DE CHANCLAS

     Aquí estamos outra vez, coas portas abertas para unha nova promoción de pequenos e pequenas. Deixei pasar uns días antes de poñerme a contarvos como nos vai na clase. Xa sabedes, estamos co periodo de adaptación: esa etapa na que aprendemos nomes,  encaixamos actitudes, aprendemos as rutinas diarias e coñecemos novos espacios. Parece doado, porque moitos veñen da garderia, pero todo ven sendo novo: profes, nenos, tarefas, costumes, materiais e hábitos... E no medio están os pequenos: 25 mundos con 25 personalidades... que temos que encaixar procurando respetar, apreciar e querer.

 ( E de paso polo medio temos todo o papeleo, esa bonita faceta do traballo que inclue programar, programar, programar, coordinar horarios-sudokus, reunións de ciclos, de niveis, de equipos de dinamización, claustros, facer a PXA, o PAT, o PEC etc, etc, etc... ). 

Aquí está a nosa entrada, un recantiño moi bonito do patio de area e a aula ... baleira.

       Ah! e esta é  a tartaruga da clase, que ten polo menos 15 anos e que este curso chámase Chanclas. Estábamos a pensar nomes e Clara dixo este que nos gustou a todos.

 E agora a nosa clase é a clase de Chanclas!

HASTA PRONTO !!!

    Uns peixiños novos no mar ...

          E para rematar o curso escollín as portadas que os nenos e as nenas fixeron para os libros do terceiro trimestre: podían facela como quixesen, empregando calquer material da clase. Como veredes escolleron plastilina, témpera, purpurina, pós de terciopelo, ceras, ollos móviles, e distintos tipos de pegatinas...

      

      No que sí que coincidiron case todos os artistas foi no tema: o mar, a praia e os peixes e cousas relacionadas co verán e o lecer. Quedáronlles unhas portadas moi bonitas que vos poño aquí nun issu:

Open publication - Free publishing - More books

  DESPEDIDA

.............................................................................

      E estas son unhas fotos que sacamos na festiña-merendola de despedida que fixemos na clase o derradeiro día do curso, que para estos nenos ven sendo tamén o seu derradeiro día en infantil.

     

      Non estábamos todos, porque algúns estaban enfermos e outros xa marcharan ... e pola clase tamén pasaron moitos dos rapaces e rapazas que rematan 6º e que nos deixan para irse ao Instituto... Despedimos así outra promoción máis que vai comezar unha nova etapa en primaria...

     Como xa vos dixen, non me gustan demasiado as despedidas, así que bó verán, gracias pola vosa colaboración, un bico e moita sorte !!! 

E, de todos xeitos, verémonos polo colexio en setembro!

..............................................................................

OS VERMES DA SEDA

     Desde os primeiros días de maio, na clase estivemos a criar vermes da seda. Trátase dun proxecto da Fundación Centro Galego da Artesanía e do Deseño que ten como obxectivo  achegar os oficios artesanais aos rapaces para que poidan coñecelos e valoralos mellor.
     Nós fixemos a primeira fase do proxecto “Enredando, artesanía na escola”: a cría e coidado dos vermes da seda. Posteriormente, nunha segunda fase, para o curso que ven, os nenos verán como se extraen os fios de seda para poder traballar con eles.

    

        Aquí podedes ver como coidamos os vermiños, desde que naceron ata que fixeron os casulos e logo a metamorfose para transformarse en bolboretas. Contámolos, medímolos, limpámolos e andivemos a xogar con eles. Andar andiveron moito con eles, pero eso sí con moito coidado!

       Observamos todo o proceso, e como veredes os vermiños e as bolboretas estuveron moi ben atendidos, aínda que tivemos problemas para alimentalos, xa que só se alimentan de  follas de moreira frescas... e cada día despois do recreo subíamos con un par de cubos cheos de follas que comían en menos de nada. Así e todo, nas fotos vedes que os tíñamos ben mantidos: mirade que tamaño! Menos mal que cando se transforman deixan de alimentarse!.

 

       Despois pasaron pola fase de apareamento e da nosa clase cambiabamos  machos por femias das outras clases para restaurar o equilibrio entre sexos, pero de todos xeitos as nosas puxeron moitos máis ovos. Así que si alguén os quere para o ano que ven pedidemos (por xaneiro máis ou menos) que temos moitos. E aquí estamos durante todo o proceso:

ENREDANDO NO XARDÍN

     Durante os derradeiros días do cole fixemos de xardineiros e estivemos a traballar no xardín. Primeiro cortamos as follas máis grandes con tesouras tendo coidado de non estragar as plantas e despois arrincamos as herbas malas con ferramentas " de verdade".        

      Logo sachamos un pouquiño e finalmente botámoslle por encima case vinte sacos de casca de pino. Pasámolo moi ben e aprendemos a respectar e coidar o noso xardín e a valorar o traballo dos demáis.

 Durante un ratiño fomos "os kings do  xardín" ,"os reis do xardín".
Esto foi oque fixemos: