O BOSQUE DOS a-BRAZOS

    Iniciamos o traballo pensando a parte no corpo que se podía empregar para facer un mural do outono. E decidímonos polas máns abertas, que parecían ramas. Logo, deitados no chan diante dun papel que ocupaba toda a clase, cada un fixo a súa árbore en este BOSQUE DE a.BRAZOS. Dibuxaron o contorno desde os dedos ata os cóbados.  Mesturamos o outono, (coas súas cores cambiantes) e o coñececemento do corpo, (tiveron que escoller entre dereita e esquerda). Usamos témperas, pinceis, esponxas, espumas, follas recollidas no monte, follas estampadas... Tamén empregamos técnicas diferentes: pintamos, recortamos, imprimimos, pegamos, mesturamos cores, estampamos... e  sobre todo intentamos compartir o espazo e colaborar engadindo cada un o que se nos iba ocurrindo según o que sabemos de esta estación do ano. E aínda non rematamos!

PREMER NA IMAXE PARA VER COMO O FIXEMOS

O MAGOSTO NA MAÍA

  O Magosto é unha das nosas tradicións máis arraigadas e o venres 14, a pesar de que parecía que non poderíamos sair polo temporal de tronos e choiva que caeu na Maía, este amainou  e permiteunos celebralo. Veu un castañeiro que non traía o típico tren pequeniño: este parecía o Ave dos trens! e os pequenos quedaron pasmados cando o viron... 

    Tivemos dous axudante dos maiores, Miguel e Nico o irmán de Álvaro, que nos axudaron o organizar os xogos e a pintar os nenos e aguantaron o tipo ante a impaciencia dos pequenos e incluso as mostras de afecto que case tiran con eles... (Grazas rapaces!).  Despois comemos as castañas nos cucuruchos e escoitamos a unhas invitadas estupendas, María, Ana e Masé, compoñentes do grupo "AS TOCADORAS DE NINGHURES", que introduciron aos pequenos nos ritmos tradicionais da gaita, o tambor e a pandeireta e fixerón bailar a pequenos e grandes.

     E ademáis, ao longo da semana, fixemos O CASTAÑÓN. Cada neno fixo unha parte, e aínda que o comezo tivemos o típico "medo ao folio en branco" e non se nos ocurría como facelo, despois foron engandindo de todo o que se nos ocurría: hortensias e follas secas, sementes, botós, espuma, cintas para o pelo, e por suposto purpurina.... Puxen eu o tope... que senón aínda seguen poñendolle cousas! 
     En este enlace ao blog da Biblioteca están todos os castañóns que se fixeron no colexio en infantil e primaria.

ELECCIÓN DOS REPRESENTANTES DOS PAIS E NAIS NO CONSELLO ESCOLAR

     O próximo día 24, luns en horario de 16,30 a 19 horas celebrase no Centro a votación para a elección de representantes dos pais, nais  ou titores legais do alumnado no Consello Escolar. Esta circular que os nenos levarán mañán explica como proceder. 

AREA DE LÚA

     Meter as máns na terra ou na area é unha actividade que lles encanta a case todos os nenos. É un retorno á Natureza e ao contacto cos elementos naturais. Manipular area é unha experiencia sensorial para os máis pequenos que estimula a motricidade fina e axudaos a comprender e descubrir conceptos “científicos” como cheo e baleiro, lixeiro e pesado, seco e húmedo… E tamén é unha oportunidade  para os maiores e incluso adultos para experimentar proxectos creativos únicos. 

    Un día enviaronme un video (clicar) cun "material sueco moi sofisticado": AREA CINÉTICA! ou AREA DE LÚA!. UFFF que cousa máis interesante ... e cara!. Así que buscando por aí atopei a maneira de facer a nosa propia area de lúa:  caseira, barata ... e do país. 

Ingredientes para facer area de lúa:  

• 5 vasos de area moi fina
• 5 vasos de fariña de millo (maicena caducada!)
• 1 vaso de auga 
• e logo mesturar (..mais ou menos, xa que todo foi a ollo)
• de momento ten unha caducidade dunha semana (despois ule un chisco peculiar ... e tense que renovar) 
•  

PREMEDE AQUÍ

SAMAÍN

     Durante a semana pasada os nenos trouxeron a clase as cabazas que decoraron na casa para participar no concurso do colexio. Grandes, pequenas, divertidas, de medo, feitas con axuda e feitas sós, pegadas, pintadas, picadas, vaciadas ou enteiras.... había de todo!. Logo colocámolas en  exposición baixo a árbore do edificio de infantil e sacamos fotos diante. Tamén fumos visitar as dos nenos de primaria: máis de 200 que ocupaban toda a entrada. Quedamos pasmados coa cantidade e coa imaxinación e creatividade amosadas por todos. (Grazas pola colaboración!). Podedes ver  todas as cabazas no blog da biblioteca. Fixemos dibuxos de medo e falamos da tradición do Samaín e do Halloween, que a estas alturas se mesturan nas festas infantis.

PREMEDE PARA VER O QUE FIXEMOS ESTA SEMANA

MIGUELANXO PRADO E O DRAGÓN QUE ESBIRRABA...

 

    O curso pasado conteilles aos pequenos o conto "O DRAGÓN que cambiaba de conto cada vez que esbirraba". Unha historia moi divertida narrada por David Aceituno e que conta coas fermosas ilustracións de Miguelanxo Prado que nos encantou. Pois hoxe ás 8 vai estar o ilustrador Miguelanxo Prado na libreiría Cronopios de Santiago da rúa Alfredo Brañas  presentando o libro e firmando exemplares.  Por si vos queredes achegar!

    Unha mostra das páxinas de este fermoso libro que conta moitísimas cousas e no que hai un dragón, un cabaleiro, unha princesa, animais... un conto con moitos contos no que os nenos recoñecen historias dentro de outras historias.

PREME NA PÁXINA DE MIGUELANXO PRADO

HOSPITAL DE OSIÑOS: XOGANDO A MÉDICOS

   Aquí vai máis detallada a experiencia que tivemos o pasado mércores os nenos de 6º Infantil do Ceip A Maía en colaboracion coa AMPA, con Medicina Interna  de Galicia (Meiga) e os alumnos e alumnas  da facultade de  Mediciña da Universidade de  Santiago que  nos visitaron.

  Veredes os distintos obradoiros polos que pasaron os "pequenos médicos": aulas de anatomía, de nutrición e hábitos saudables, salas de consulta, quirófanos, salas de curas.... Os case 40 estudantes de mediciña repartiron aos nenos en pequenos grupos para que os 75 rapaces estivesen en todos os obradoiros. E, mentras, os de 3 e 4 anos andaban todos intrigados con tanta bata blanca e verde e cos esqueletes que andaban polos corredores...  

     Pasaron  consulta facendo de papás e mamás dos seus osiños, cubriron o seu historial clínico, fixeron un repaso de anatomía, deron clase de hábitos saudables, xogaron a ser globulos blancos cazando virus, vestidos de cirurxáns operaron pacientes de plastilina nun quirófano xenial e fixeron curas aos seus osiños...

    

     Saíron feitos uns expertos!  E os futuros médicos tamén o pasaron moi ben con estes pequenos estudantes que (salvo algúns máis tímidos), non pararon de falarlles en toda a mañán ... 

E de remate os alumnos de mediciña agasallaron aos nenos con un "boli gel y brilla" ...que hasta que o vin non me decatei de que era un "boli geringuilla"...

DÍA EUROPEO DAS LINGUAS

    O pasado 26 de setembro foi o DÍA EUROPEO DAS LINGUAS e no colexio celebramolo cunha exposición que recollía contos e prensa en outros idiomas da Comunidade. Na entrada do cole fumos ver a exposición organizada polo equipo de Normalización e, na Biblioteca, escoitamos un conto de sobras coñecido polos nenos, pero narrado en portugués polo profe Moncho e en italiano pola profe Marisú... Carapuchiña Vermelha e Capucheto Rossso. Os nenos escoitaron verdadeiramente moi atentos... e só despois comentaron que non estaba no seu idioma habitual... Unha experiencia moi interesante que vos conto con algo de retraso por "problemas técnicos..."

PREMER PARA VER AS IMAXES

HOSPITAL DE OSIÑOS DE PELUCHE

  O HOSPITAL DOS OSIÑOS DE PELUCHE é unha iniciativa organizada por Medicina Interna de Galicia (Meiga). Xurdeu no Reino Unido fai 30 anos e pretende  mellorar a relación dos pequenos coa medicina e os médicos, facendo que lle perdan o medo (algún non o consigueu de todo...) e ensinándolles hábitos de vida saudables.

   Participando en esta actividade, en colaboración coa AMPA, hoxe visitáronnos 40 futuros médicos, estudantes de medicina de varios cursos da Facultade de Mediciña da USC que montaron nas clases de 5 anos diversos obradoiros : 

• CONSULTA
• ANATOMÍA
• NUTRICIÓN
• HIXIENE E VIDA SAUDABLE
• E CIRURXÍA, CON QUIRÓFANO E TODO!
• e tamén O XOGO DOS GLÓBULOS, na sala de Psicomotricidade  e no patio, onde os nenos repartidos en grupos de globulos blancos e vermellos corrían perseguindo virus. 

   

   Os futuros médicos chegaron ás 8:30 e comezaron a instalar os obradoiros: con salas de consulta, aulas para as clases de anatomía e hábitos saudables, quirófanos, salas de curas para vendar osiños etc... e como nós xa estabamos inmersos no Proxecto do corpo Humano, tamén tíñamos  o esquelete Pepe, un torso cos órganos a tamaño real e libros, láminas e diversos traballos e materiais aportados polos nenos.

   

        Cada neno trouxo a clase un Osiño e inventou unha doenza que lle contou aos médicos facendo eles de pais e nais que pasaban polas consultas explicando síntomas e cubrindo fichas para cada paciente  e despois, cambiando de roles, pasaron polo quirófano vestidos de cirurxáns. Moitas actividades polas que pasaban repartidos en pequenos grupos e que rematamos xustiños de tempo.

     Foi unha xornada moi interesante  na que aprendimos moito e demostramos o xa aprendido estos días. Foi moi divertida e pasámolo moi ben!. Na próxima entrada do blog contarei máis polo miudo e con máis fotos como transcurriron as actividades nos obradoiros.

 

os futuros doctores e doctoras

QUEBRACABEZAS DOS ESQUELETOS

   Estos días estamos realizando un proxecto sobre o corpo humano e levamos a clase ao noso amigo "Pepe o esqueleto do cole". Despois de darlle unhas voltas, fixemos un quebracabezas cos osos do corpo e eu dinlles movemento aos esqueletos bailaríns neste video... E, polo medio, como os papeis non cabían nas mesas e tíñamos moitos osos, perdimos fémures, costelas e algún brazo...

    E tamén colaboraron entre eles, xa que os que remataron antes explicaban e axudaban a montar os esqueletos dos demáis.

CLICADE PARA VER OS ESQUELETOS BAILARÍNS

A COLLEITA

    Unha das primeiras cousas que fixemos este curso foi ensinarlle o cole aos novos compañeiros que van a compartir este curso con nós. Así que, con máis entusiasmo que orden, xa que todos querían mostrarlles todo, fixémos unha "visita guiada" para Cristina, Enzo e David. Fomos ao edificio de Primaria, pasamos pola Biblioteca e presentámoslles a Leodoro ( a nosa mascota), fomos a saudar á directora Lita e, por suposto, demos unha volta para ver como estaba a nosa horta. A primeira vez que fomos á horta, case non pudemos entrar porque a herba era máis alta que nós, pero a segunda vez xa pasaran unha desbrozadora e achegámonos aos caixóns para ver como estaba a plantación: comimos algúns tomatiños cherry e recollimos patacas, cebolas, allos e un tomate corazón que deixamos madurar na clase. Non medraran moito... pero era a nosa primeira colleita. Tamén vimos as trampas para as avispas que nos deixaron os nenos e nenas de 3º da clase de María: funcionan!.  E xa estamos pensando na próxima plantación!!!

OS PRIMEIROS DÍAS

    Aquí estamos de novo, preparados para un novo curso xuntos que será o derradeiro en infantil xa que agora somos de 6º. Case nada: somos os maiores! En estas primeiras fotos non estamos todos: algúns aínda non se incorporaron a clase e outros andaban saudando por alí. Temos novedades: novos compañeiros (David, Enzo e Kaique), novos veciños na clase de enfrente (os pequenos de tres anos) e novos profesores (Mercedes e Ramón). Estos días andivemos polo colexio ensinandolles aos novos as distintas dependencias do centro: o edificio de primaria, a dirección (onde nos recibeu a directora Lita),  a Biblioteca, o horto, os distintos patios etc.    Tamén lle fixemos unha visita a profe María  que despois de toda unha vida en infantil este ano pasouse a primaria. Os nenos, e sobre todo os compañeiros, ímola botar moito de menos: sorte María!

        

    Imos compartir un ano enteiro das nosas vidas no que esperamos que o traballo, o respeto e o agarimo vaian da man. Nós poñeremos o noso gran de ilusión e  de esforzo para conseguir ser persoas con máis coñecementos pero, sobre todo e por riba de todo, conseguir ser mellores persoas, con bós hábitos, con curiosidade polo que nos rodea e con interés por aprender. BO CURSO!