O 24 de febreiro celebrouse o día de Rosalía de Castro. Fixemos unha "visita virtual" á casa museo de Rosalía e lembramos cousas da súa vida. Na clase participamos na actividade proposta polo EDNL do Concello de Ames elaborando un cartel en tamaño A3 onde ilustramos un poema
de Rosalía. Escollimos entre varios poemas o que máis nos gustou ("pasa, río, pasa río...") e entre todos uns escribiron o texto e outros fixeron os debuxos e así participamos todos. Despois, levamos a casa unha copia que tiñamos que pendurar
nos nosos edificios. Podedes ver AQUÍ neste enlace coa web do cole mais imaxes e datos
desta actividade. Para ver o resto dos poemas que fixeron os alumnos do colexio premede AQUÍ.
Rematamos a semana celebrando unha festa de Entroido, na que viñemos estupendos disfrazados da casa, compartimos unha merenda con productos típicos, fixemos un baile na clase e despois baixamos ao patio cuberto con todo infantil. Podedes ver taména web do cole onde tedes máis fotos nosas.
(Moitas grazas pola vosa colaboración cos disfraces e cos postres!)
Esta semana de Entroido seguimos os mandadiños do Meco para vir disfrazados de Piratas. (Moitas grazas pola vosa colaboración!). Tamén fixemos un pequeno proxecto para averiguar cousas sobre eles, os seus barcos, materiais e costumes. E estamos a ver un corto sobre o libro "A illa do tesouro" de Robert Louis Stevenson.
Do 5 ao 9 de febreiro celebraremos o Entroido no
centro, polo que pedimos a vosa colaboración para que os vosos fillos e fillas
traian da casa o que mande o Meco (é acumulativo).
Os mandadiños para esta semana son:
LUNS: "Se pirata queres
ser, un pano na cabeza terás que traer"
MARTES: "Se o mar queres
conquistar, bigote ou barba has pintar"
MÉRCORES: "Un parche nun
ollo traerás e un bravo pirata serás"
XOVES: "Se o desfrace
queres completar, un prismático ou un garfo terás que levar"
VENRES: os nenos e nenas poderán vir disfrazados
libremente do que elixades. E, como vos decía na nota que levaron, faremos unha degustación de doces de entroido na clase, polo que pedimos a vosa colaboración para que ese día, no lugar da merenda habitual, enviedes polos nenos algún doce típico para compartir entre toda a clase.
Pintamos e poñemos voz a esta historia na que contan o que lle pasa ás árbores que usamos no Nadal e como os nenos buscan unha solución. Planificamos as escenas para que todos pudésemos participar e despois de ter o "story board" (que nos fixo un debuxante coas nosas ideas), encargámonos de darlle cor e pensamos as frases que acompañarían cada escena.... A parte de gravar foi o que máis nos costou e tivemos que repetir algunhas veces. Pero o conto e a idea de conservación das árbores foi o que máis nos gustou....
Como material de apoio á lectura,
decoramos con témperas este ALFABETO que agora temos colgado nas
paredes da clase. Cada un fixo unha letra en A3, e despois collimos a de
outro compañeiro e fixemos esta montaxe.
O derradeiro día de clase celebramos unha festa de fin de ano: moi elegantes, con baile e chocolate con churros. Puxemos a "mesa de gala" entre todos e comimos as larpeiradas de Nadal que trouxeron da casa para compatir cos compañeiros (foron tantas que deixamos algunhas para outra festa á volta de vacacións ou ilas tomando aos poucos nas merendas. Moitas gracias pola vosa colaboración!).
Despois tomamos as uvas coas campanadas
do reloxo da Porta do Sol, escoitamos un villancico dos pequenos de 3
anos e rematamos bailando xunto cos nenos das outras clases.
Rematamos o trimestre pintando este bosque onde están plantadas moitas árbores de Nadal. Fixemos en dous equipos un mural moi grande que ocupa todo o corredor da nosa clase.
E tamén comenzamos a facer un conto que explica o que lles pasa despois do Nadal. Xa volo contaremos á volta das vacacións.
A derradeira semana do trimestre fomos de visita á oficina de Correos de Bertamiráns. Fixemos unha postal ,que seguro xa vos chegou a casa, e metémola nun sobre co voso enderezo. O autobús deixounos diante da plaza. Recibíronnos na oficina e vimos como pesaron as nosas cartas e despois díronnos o selo para pegar no sobre onde tíñamos
escrito con moito coidado e algunha axuda o nome das rúas, avenidas ou lugares onde
vivimos, prestando moita atención ao número do portal e ao piso para que
o carteiro o pudese ler sin problemas.
A encargada explicounos con mooooita paciencia todo o proceso que sigue unha carta desde que a entregamos. Despois ensinounos o material (cascos, chalecos, motos, carriños...) que usan os carteiros, que en Bertamiráns son 13. Un deles é Xavi, o pai de Airas, que estaba aínda máis emocionado que os outros nenos.
Preparamos o Nadal: montamos e decoramos a árbore e pintamos un mural para a historia que inventamos sobre onde poden acabar todas cando remata o Nadal. (xa vola contaremos!).
Tamén fixemos grilandas para decorar o cole cos anacos de tea que vos pedimos.
Costounos traballo pero quedounos unha grilanda moi bonita!
Contamos o conto "Un agasallo diferente". Unha historia de Kalandraka que comeza cun extrano agasallo que en principio deixa decepcionado ao que o recibe, pero que fala da capacidade de Marcel e Tristán (ou calquer neno) para desenvolver a súa
imaxinación e disfrutar con calquer cousa sin necesidade de que sexa o xoguete máis caro ou máis moderno.
Para eles,
calquier cousa, neste caso un anaco de tea, pode converterse nunha fonte de
diversión e vémolo cada día por exemplo na sala de psico onde da caixa dos retallos saen saias de princesa, capas de superherois, vestidos, tendas de campaña, panos piratas e todo tipo de cousas que inventan sobre a marcha deixando paso á súa creatividade....
(nesta montaxe tedes algunhas fotos de como o fixemos todo)
O pasado venres visitounos unha axente da Policía Local de Ames. A axente Cristina preparounos unhas presentacións en power point para falarnos aos alumnos de 6º de infantil de educación e seguridade viaria. Tratou da importancia de respetar as normas cando andamos polas beirarrúas como peóns ou como ciclistas, o xeito correcto de cruzar e andar polas calles, de xogar nas plazas e porqué é importante o uso do cinturón se imos no coche e dos cascos no caso de ir en bici....
Sobre todo Cristina quixo deixarlles claro que a Policía está para axudarnos se temos un problema e para coidarnos e protexernos. Os nenos asistiron
moi interesados e Cristina ensinoulles uns xogos da DXT e fíxolles
varias preguntas "a modo de examen".
Rematou dándolles unha sorpresa: un carnet de axudante da policía local. Con ese carnet poderían avisar aos que non cumplen as normas de seguridade viaria e recordarllas....
Cando rematamos quixeron facerlle moitas preguntas, sobre todo referentes as ferramentas de traballo que levaba: pistolas, barras, esposas, guantes e placa. Quixeron saber o que facía a policía "cos malos", por qué tiñan números diferentes a súa placa e as nosas (Iván fixouse en tódos os números e comparounos).
GRAZAS CRISTINA POLA VISITA!
Chamoume a atención unha pregunta moi curiosa (ou non tanto) que incidía nos estereotipos de reparto de roles por sexo: "ERES DE VERDADE?". O que a fixo pensaba que o seu uniforme podía ser un disfraz, pero Cristina explicoulles moi ben que as nenas poden ser o que queiran.... Precisamente a este estereotipo corresponde un video que andaba estos días na rede falando da igualdade de xenero dentro dunha campaña que acaba de chegar a España ("Inspirando o futuro: equilibrando a balanza"). No video pídeselles a alumnos e alumnas de 6-7 anos que dibuxen un ciruxán, un bombeiro e un piloto de cazas e case todos debuxan homes. Entón reciben a visita de tres profesionais citados...
No outono as follas das árbores caducas que temos diante da nosa ventá (un liquidambar, un carballo americano e un liquidambar) e os que vemos no instituto (liriodendros e liquidambar) ou no monte frente ao colexio (carballos, maceiras e castiñeiros) van adquirindo distintas tonalidades que van desde o amarelo, dourado, laranxa e vermello ata o púrpura máis oscuro.
Cada ano vémolas cambiar e sempre nos maravilla este proceso. Saímos a visitar as árbores e a xogar coas follas caídas apreciando as cores, as súas formas, as distintas texturas ao tocalas e o son que fan ao pisalas... A Natureza é unha fonte incrible de materiais para traballar na clase.
Traballamos todos os sentidos, incluso o olfato, xa que ao traer as follas a clase esta ten agora un recendo outonal... Ao recollelas contamos de cinco en cinco, de dez en dez... e algúns moito máis.
E fixemos atadiñoscon elas que empregamos para facer mandalas e unha cortina de follas que está colgada nas nosas ventás. E ademáis, entre todos estamos compoñendo unha poesía sobre as follas.
Tamén atopamos sementes de arce e recollemos moitas que preparamos para sementar. Na clase contamos as que aportou cada membro dos cinco equipos e fomos anotando todas as cantidades. Algúns foron moi competitivos, outros deixáronse levar... e para algúns foi fonte de conflicto, pero para a maioria foi un xeito de aprender o valor da colaboración.
Outra experiencia que estamos a facer é a plantación de landras de carballos (americanos e autóctonos) e camelias. Contamos un conto ("Aínda nada") que ten moito que ver coa paciencia e a espera e levamos moitos días contabilizando o seu resultado por escrito, xa que cada día comprobamos os cambios e anotamos os días que levamos coa plantación.
(nas etiquetas amarelas contabilizamos o tempo das sementes e nas de cor rosa estamos anotando a experiencias das rebanadas de pan e as mans, do que xa vos contaremos como vai indo...)
