Recursos da Natureza

 Traballamos o OUTONO cos recursos que nos ofrece e a natureza no entorno máis próximo ao colexio.

 Saímos a recoller landras no camiño hacia Castrigo. Buscamos baixo os carballos as máis grosas, oscuras e xa co pico aberto asomando raices para despois sementalas na clase e observar o seu crecemento. Este ano son espectaculares e estaban moi emocionados cando viron tantas.

 Temos, coma tódolos nenos, moito afán por facer coleccións de todo, por recolectar: follas, paos, pedras e landras claro. Aproveitamos para contar e clasificar!. E, xa na clase, aproveitaremos para escribir os nomes. Tamén atopamos setas, castañas e ourizos, landras de carballo americano (que foi unha historia facer pequenas hipótesis sobre como chegara aquí si a arbore máis cercana está no patio de 3 anos). No souto do Sr Manuel atopamos pequenas árbores (freixos, castaños e carballos pequenos) así como sementes de loureiro e cando vimos o arbusto  recollimos follas que despois levaron a casa... Co loureiro traballaron o olfato: ulíalles a cebola, a peixe... e decían que mamá tiña eso na cociña.

   Por desgraza tamén atopamos latas, plásticos, lixo... e como estamos coa recollida selectiva de basura decían en que contenedor debería ir cada cousa. A carón da porta xa vimos os contenedores que nos faltaban por contar do día que fixemos un inventario dos que hai no cole e no seu entorno.

Maxia en Ames

  A semana pasada  celebrouse o décimo cuarto Festival de Maxia de Ames e nos centros de ensino do concello tivemos un adianto o luns. Todo o alumnado de infantil e primaria foi pasando por quendas pola nosa sala de psicomotricidade.  O mago Joshua Kenneth  e o Mago Paco  pasaron a mañán facendo trucos de ilusionismo, maxia e movemento. Despois da maxia os nenos remataron bailando e comendo unhas monedas máxicas de chocolate. (Non saquei moitas nin boas fotos porque tamén foi o primeiro día de Marcelo: un pequecho de tres aniños que se incorporou á nosa clase xusto este día!).

Biblioteca da casa

  Con motivo do DÍA DAS BIBLIOTECAS ESCOLARES, que se celebra o 24 de outubro,  o Equipo da nosa propuxolle a todo o cole unha actividade "ao revés": mostrar os nosos libros favoritos, os que temos na casa. Co tema BIBLIOTECA DA CASA montouse a exposición nas portas do colexio tanto en infantil como en primaria e que xa se poden ver na web da Biblioteca nesta LIGAZÓN.

Unha rosa do deserto na auga

  Como sabedes na clase estamos a falar da reciclaxe e o coidado do medio ambiente, e tamén acabamos falando da importancia e o coidado da auga. Unha das experiencias con auga que fixemos estos días foi cunha rosa do deserto que levaba "dormida" máis de 3 anos. Eles non sabían o que era cando a tocaron e eu non lles dixen nada... 

  Fixeron un montón de hipótesis sobre esa cousa que se lles mostrou na clase e nunca viran antes. As máis realistas: que si era unha pedra, un atado de paos, un ourizo (primeiro o animal, pero non lle encontraban os ollos, despois un de castañas porque estamos no outono...), pensaron nun niño pero non sabían de que clase de paxaro...

 Polo tacto decían que pinchaba, era dura, áspera, pero ao mesmo tempo fráxil porque nos rompía nas mans e algúns non se atrevían a tocala... Estivemos un rato coa cousa nas mans e despois collín auga e quedaron pensando máis aínda. Cando a mollamos, vímola abrirse e desenvolverse bastante rápido, deixar de ser dura e correuda, cambiar algo a súa cor, algún xa veu ramas, outro raices... e entón xa se diron conta que parecía unha planta e que coa auga cambiaba.

  Agora témola na ventana e seguímola observando a ver si colle algo máis de cor co sol... a vez anterior virouse bastante verde e incluso medrou co tempo... a ver agora que tal se nos da!

Unha andaina por Castrigo a comezos do outono

   Cando comezou o outono fixemos unha andaina desde o colexio polas pistas, bordeando o monte hasta a aldea de Castrigo. Acompañáronnos os nenos e nenas da profe Sandra e fomos observando as distintas cores das follas a principios do outono e algúns dos froitos desta época. 

  Volveron cos bolsillos cheos de landras, que este ano son moi grandes comparadas coas que atopamos o curso pasado. Pasámolo moi ben, seguimos a linde do monte e fixemos unha parte do recorrido campo a través, con algunha sorpresa como foi atopar o posible rastro dun coello...

  

Primeiros días do curso

  Nesta montaxe van imaxes dalgunhas das actividades dos primeiros días do curso. Na entrada cando todos estaban emocionados e nerviosos por verse de novo, en algúns recantos da clase polos que fomos pasando e sobre todo na sala de psicomotricidade onde todo é posible: desde construir un castelo a transformarnos en herois e heroinas, piratas, cabaleiros e investigadoras, granxeiros, nais e doctoras coa axuda das telas, os cabalos de espuma, os bloques... e moita moita imaxinación.

Un curso xuntos!

Entre estas dúas fotos... todo un curso de experiencias!

O primeiro día e a merenda coa que rematamos o curso. 

  

Resumindo en cinco minutos o noso primeiro curso xuntos! 

 Un pouco de todo... e moitas fotos que non subira en entradas anteriores:  

xogos coas letras e cos números, xogando no patio, na sala de psico, visitas, saídas polo campo, algún cumple, as maletas da nosa vida... e rematando coas fotos da merenda que fixemos cos papás e  mamás no patio!

Uxía Lambona e a banda molona

   Por si non vistes a entrada que puxen na web do concerto de Uxía Lambona e a banda molona" entretiveron e fixeron bailar aos nenos do colexio o mércores da derradeira semana do curso.  

Este grupo pretende sobre todo divertir os pequenos, achegándolles temas tradicionais galegos dunha forma nova e atractiva, empregando novos estilos musicais (ska, rock, hip-hop...) para que coñezan e manteñan a nosa música tradicional popular.  Foi unha actividade organizada polo Equipo de Actividades Complementarias. Pasárono xenial no concerto!

CONCERTO DE UXÍA

 MONTAXE DAS FOTOS DURANTE A ACTUACIÓN

 Podedes ver unha selección das cancións do grupo no blog de 5ºC de infantil.

Un xardín vertical no patio

   Ao longo dos últimos trimestres do curso pasado, no patio de 3 anos creamos e coidamos un xardín vertical en botellas que se colgaron nas columnas do peche do patio. Os cordeis que as ataban facilitaban o reparto da auga das botellas superiores ás inferiores e tamén regamos coa mangueira e eles coas regadeiras. Disfrutamos vendo medrar as plantiñas, coidándoas e de vez en cando comendo as fresas que maduraban...

   Os nenos encheron as botellas de terra e plantaron especies diferentes coas que disfrutaron cos cinco sentidos: comestibles, aromáticas, crasas, con follas interesantes ou con fermosas flores... 

 Ademáis a clase de Sandra plantou bulbos de narcisos, fresias, amapolas e iris en botes reciclados e tamén empregando cáscaras de laranxas fixeron comedeiros para atraer aos paxaros ...

 

 Cando rematou o curso levamos as botellas coas plantas para seguir coidandoas na casa!.

 Vedes o proceso neste video que xa subín tamén na web do cole .

 

 

Botas verdes!

  Como vos dixen cando rematamos o curso, quedáranme pendentes algunhas entradas que agora vou intentar poñer ao día... antes de que comece o novo curso. Un pouco para lembrar como rematamos e continuar despois do verán... 

   Unha delas foi unha experiencia que nos levou moitos meses de coidados e observacións e que comezou co conto "O carballo con botas" de Anxo Moure. Xuntamos botas, xapatillas e deportivos vellos que pedimos aos papás e sementamos nelas landras, pero non naceron e despois glicinias, que a pesar de tódolos coidados tamén nos fallaron ....ou igual foi por exceso de coidados. A experiencia contámola nunha entrada anterior que podedes ver AQUÍ

  Finalmente despois de esos intentos ao longo do curso en troques de sementar aprendimos a "esqueixar":  cortamos as plantiñas que medraban no extremo da cinta ou clorofito da clase e plantamos de novo. E aínda que ao principio eran moi pequeniñas, cos nosos coidados medraron moito e quedaron así.

 Con esta experiencia contamos contos ( O carballo con botas e Aínda nada), vimos varios xeitos de reproducir plantas, os coidados que precisan como seres vivos e sobre todo aprendemos a esperar e a coñecer e respetar os ritmos da natureza...

Iago, Nuria, Pablo e "o mago Turlututú" de Hervé Tullet

  Os pais de Iago viñeron a clase a contarnos o conto de Hervé Tullet "Turlututú é un mago" da Editorial Kókinos e fixéronnos xogar seguindo os seus mandados. Un fantástico e colorido álbum ilustrado para os máis pequenos, dun autor que nos encanta e que xa nos ten afeitos ao xogo co libro, onde é necesaria a participación  do lector. Con moitos títulos publicados, este ilustrador francés organiza talleres con nenos por todo o mundo que veñen sendo sesións de arte en directo. Opina que "a arte non é un fin senón un medio". Tamén dí que non hai cadros bonitos ou feos... El confía na intuición dos nenos e nunhas dinámicas de grupo para crear arte en colaboración. Ten outro libro que vos recomendo: "Divírtete. Talleres de Arte con Hervé Tullet (Editorial Phaidon) onde propón actividades artísticas para  potenciar o noso lado máis creativo. Unha boa "lectura-inspiradora" para o verán!

 

 Nuria e Pablo trouxéronnos tamén un títere de calcetín feito pola avóa de Iago e outros  para cada neno en cartulina que despois pintamos como quixeron e convertimos en títeres de pao.

 Pasamos un rato moi divertido!  Moitas grazas por vir!

De merenda no Bibliopatio

   Hoxe tíñamos previsto sair de camiñata ao Pazo da Peregrina para xuntarnos coas familias que vos podíades achegar e merendar  todos xuntos. Pero cando estábamos xa na porta, todos preparados, coas normas repasadas, todos pasados polo baño, "intendencia" revisada, botellas de auga listas,  merendas para compartir preparadas, mochilas colgadas e como digo xa saíndo pola porta emocionados e impacientes.... chega o aviso de direción e dos membros de Protección Civil que nos iban acompañar: chove e recomendan suspender a saída!. As cariñas de decepción non as podedes imaxinar, llanto incluido... en fín.

 Chover, chovía miudiño... pero chovía, e era un risco baixar andando así.  Para "minimizar" danos pedinlles os de Protección Civil que viñeran  falar con eles e despois da conversa xa quedaron un pouco máis convencidos. Pero como xa tíñamos todo o petate colgado decidín buscar un plan B e  improvisar unha merenda nun rincón diferente do cole.

  Ocurreuseme que como temos este recuncho tan acolledor do Bibliopatio, podíamos quedar nel para compartir a merenda. E alá fomos. Así que finalmente, como dixeron eles: fomos de picnic!.

 Ademáis será unha das últimas veces que podamos usar o Bibliopatio, xa que coa ampliación do comedor o máis seguro é que desapareza no verán e con el un recordo moi especial dun taller de arte urbano que nos deixou unha promoción de 6º antes de marchar para o instituto e que é a imaxe de cabeceira da nosa web... 

(para a semana xa vos avisaremos da data na que temos pensado sair para o Pazo)