Outra proposta era construir casas ou, como fixo Iago, deseñar a maqueta dunha urbanización. Empregando cousas que tiña pola casa, xoguetes, cartóns, tubos, plastilina... montou esta maqueta de vivendas arredor dun parque onde a xente pode disfrutar de amplas zonas verdes.
Vendo o resultado da maqueta de Iago véñenme á cabeza as ideas do educador e pedagogo italiano Francesco Tonucci autor de moitos libros sobre a infancia na sociedade actual, sobre os seus dereitos e a súa presenza viva no ecosistema urbano. Algo que xusto agora durante o confinamento fixo que moitos valorasen como deberían ser as cidades, o entorno urbán ... e os patios escolares!.
Como dixo Miguel Anxo Fernández Lores alcalde de Pontevedra tras un percorrido pola cidade con
Frato/Francesco Tonucci. “A súa filosofía”, “estaba claramente definida: os ollos dos
nenos son os principais catalizadores das necesidades urbanas. Os nenos dan a
medida do que todos precisamos: máis espazos para o lecer, unha cidade máis segura, mellor
alumeada, con menos obstáculos para moverse, na que sexa posible a actividade
lúdica, unha cidade sen fumes e sen ameazas para camiñar ou xogar…”
Ver + sobre a visita de Tonucci a Pntevedra e as súas ideas sobre a cidade e os nenos no blog "Versos e aloumiños " de Antón García Fernández e Antonio García Teijeiro.
Ningún comentario:
Publicar un comentario
Comentarios: a túa opinión conta!