Piruletas pola paz !

  Este domingo 30 celebrouse o Día da Paz. No colexio, os nenos de infantil participamos na proposta do Equipo de Convivencia de traballar ao longo da semana co tema "Larpeiradas pola Paz". Así, cada clase fixo piruletas, caramelos, chupas e moitas clases de doces con diferentes materiais que fomos colocando na entrada do cole, nas columnas do porche e no patio de xogos. Os máis maiores tamén escribiron palabras e pequenas frases  sobre o tema e todos visualizamos distintos cortos de animación e falamos sobre eles para traballar este concepto. A nós os cortos que máis nos gustaron foron: "Cadena de favores infinita", "el valor de la empatía", que tratan de achegarse á paz a través dos pequenos xestos e tamén "el puente" e "convivencia" que fano a partir de conflictos. 

 As piruletas da paz de 3 anos pintámolas con témpera e alkil en placas recortadas de porexpán. Cada un escolleu a cor que máis lles gustaba e agora están colocadas no areeiro da entrada. Esperamos que vos gusten!

Festexando o Día da Paz!

   Na clase preparamos pompóns de papel para participar na celebración do Día da Paz. Cortamos papel continuo en tiras o máis estreitas posibles. Aínda que ao principio lles parecía dificil recortar un anaco tan grande en tiras "máis ou menos paralelas" e sen marcar, esforzaronse moito para conseguilo. Olivia deixounos fascinados co seu impresionante traballo!. Non parou hasta conseguir as tiras máis finas de toda a clase!

 

 Tamén comprobamos que había distintas sonoridades según o ancho e que canto máis estreitas eran, mellor nos sonaban e mellor movemento tiñan. Finalmente o venres unímonos a todos os compañeiros de infantil na sala de psicomotricidade bailando cos pompóns  acompañados da  canción "De festa" de Uxía Lambona e a banda molona. 

Xogos Colaborativos no Día da Paz

    O día da Paz celebramos sesións de xogos colaborativos en todo o centro, maiores e pequenos, baixo o lema "hoxe gañamos todos". Esta entrada xa a puxen na web do cole fai uns días, pero por si acaso non a vistes, volvoa poñer aquí xa que no video vese como os pequenos da nosa clase participan neste día como todos os nenos do cole. Foi unha xornada moi divertida na que vimos xogos colaborativos. Este tipo de xogos  están centrados na unión e tódolos xogadores son necesarios sin que nadie caia eliminado.

   O Equipo de Convivencia fixo unha serie de propostas de xogos cooperativos e o Equipo de Educación Infantil organizou os grupos e as quendas para compartir aros ao ritmo da música, transportar conos na cabeza e transportar pelotas en ringleiras. A nosa clase contou coa axuda da profe de Psicomotricidade: grazas Carlota!

Día Escolar da Non Violencia e a Paz

  Estos días no cole estamos traballando o DÍA  ESCOLAR  DA NON  VIOLENCIA  E  A  PAZ, que se conmemoraba hoxe, para que os nosos alumnos aprendan estos valores. Para eles a Paz é un concepto díficil de explicar e a maioría simplificano como "ser amigos", que non está nada mal. Tamén falamos do respeto, da tolerancia e de axudar aos compañeiros. Polo menos a teoría témola moi clara e agora trataremos de poñela en práctica no día a día... 

     

    Para achegarnos a este tema traballamos o conto "NEGROS E BLANCOS" de David MacKee sobre uns elefantes que, por non respetarse, acaban enfrentados nunha guerra con efectos inesperados.... 

    Tamén empregamos varios contos e cortos que temos no Symbaloo da Paz que manexamos na clase: o corto de animación "TOLERANCIA" que só con imaxes e efectos de són narra o enfrentamento entre dous trolls. 

    Ademáis vimos e comentamos unha montaxe de imaxe real na que, en apenas uns minutos, a través de actividades cotiás, son capaces de analizar como lle afecta a guerra a unha nena exactamente igual que eles. (Ata o derradeiro momento a maioría non se decata de que as dúas imaxes son da mesma nena...)

   E dentro dunha actividade proposta polos equi`pos de dinamización do cole recortamos e picamos moitos corazóns para representar o amor e a paz: en tarxetas para levar a casa e para decorar a porta da nosa clase....

( Podedes ver máis información sobre este día na web do cole e o blog da biblioteca.)

E recibimos a visita dos rapaces da clase do profe Ramón que recorreron o cole regalando abrazos! 

Día da Paz: axudamos ós demáis.

  

   Celebramos o Día da Paz con todos os nenos do colexio. Cada nivel tiña que traballar sobre un lema e o noso era "AXUDAR ÓS DEMÁIS". Tíñamos que facer unha pancarta que explicase ós outros nenos o que nós entendimos por eso. De primeiras costounos, pero logo colleron carreiriña e dixeron moitas maneiras de axudar ós demáis que eu íba escribindo no encerado... Despois tiven que buscar un dibuxo axeitado ó que eles querían decir, e púxenllo nunhas mans coas que fixemos un xardín con flores solidarias. Ademáis, premendo AQUÍ, podedes ver no enlace coa web do cole como foi a xornada con todos os nosos compañeiros. 

   E hoxe baixamos a compartir con todos a nosa pancarta e ver as dos demáis. Como somos dos máis pequenos tocounos sitio preferente e vimos chegar todas as pancartas.  Tamén cantamos a cantarela dos nenos de Xosé Neira Vilas (amiguiños todos...)  e algún animouse tamén a bailar.

as nosas pancartas

A paz, o respeto e a convivencia

     Cos pequenos comezamos a traballar pensando no Día da paz. Unha das ferramentas que empregamos, ademáis de falar e  intentar que expliquen o que eles entenden pola paz e a guerra, é este Symbaloo da paz e a convivencia que fun completando con contos e cancións que tratan de compartir, de convivir e de aprender a respetarnos.

  

     

   Hoxe contamos o conto "O monstro de cores"  de Anna Llenas  que trata das emocións e o xeito de expresalas. A través del intentamos atopar a maneira de verbalizar o que sentimos cando estamos cansos, ou cando botamos de menos a mamá e papá, ou cando estamos anoxados e non sabemos porqué... É que ás veces nós tamén mesturamos emocións e estamos confusos como o monstro do conto...

  

   Para saber o que contén o Symbaloo entrade nel  premendo na imaxe de abaixo ou a través da web do cole ou do blog da biblioteca...

Symbaloo da paz e a convivencia

A SEMANA DA PAZ

    Esta semana adicámola a traballar sobre a paz: o que eles entenden por paz, o que saben sobre as guerras, cómo nos afecta a nós e o que escoitan nas noticias e aos maiores. Buscamos e contamos contos sobre a paz ("Blancos e negros", "Os nenos non queren a guerra" e algúns máis, como os que teño postos no muro de pinterest que enlazo aquí (clicar) para que lle deades unha ollada. Outra actividade que lles gustou moito foi que vimos e comentamos algúns cortos que tratan o tema e que teño postos no blog da Biblioteca ("Sadako e as grúas de papel", "Tolerancia", "A pomba da paz", "Abrazos" etc...)

   

     E cantamos e bailamos a canción "a Muralla", fixemos pombas da paz coas máns e preparamos unha postal na que escribimos as tres palabras que escollimos entre moitas, para intentar explicar o que é a paz para nós (respeto, amor e abrazos). De remate, entre todos intentamos explicar nun lema o noso desexo para a paz. Aquí saleu de todo:  

• que reine a paz 
• que todos sexamos bos e con cartos !
• que todos nos queiramos moito.
• que non nos peguemos
• que nos respetemos todos
• que a paz non sexa cousa de un día (este é o que lles digo sempre eu, pero eles engadiron : senón de todas as semanas, os meses e os anos... por dar a puntilla!)
• que sexamos amigos sempre
• que non arranquen os capullos do xardín
• non tirar xoguetes os demáis e non atropelar
• ter unha boneca que repita todo o que digo
• que todos cumplan as normas
• qie non pelexemos por facer algo...
• queremos unha clase feliz
• queremos un mundo feliz
• e así un montón máis de desexos "pacíficos"

    Logo tivemos algún desexo algo "despistado" como "que as momias e os piratas non pelexen" ou "eu desexo unha muñeca que repita todo o que eu digo"... e todo esto intentando practicar o respeto e a tolerancia cara os demais.

     Como cada clase tiña que escoller un desexo para poñer no muro da paz na entrada nós fixemos un refundindo varios dos que dixeron e quedounos así:

    

    O venres baixamos a xuntarnos cos de primaria a cantar a canción e decir os desexos da paz: con cada un soltaríase un globo. E aquí, coma sempre e a pesar dos investimentos económicos e numerosos técnicos que sempre nos garantizan , foi onde nos fallou  o són, para desespero de todos os que organizaron e dos nenos que participaron. Tamén temos que ter en conta que case 700 nenos e un pabellon aberto, non son garantía da mellor acústica...que lle imos facer: é o que temos e os nenos traballaron arreo para esto.

  

    Agora póñovos aquí unha presentación co traballo ao longo da semana:

 

SEMANA DA PAZ 2014   CLICAR

   Tamén vos enlazo con un muro con libros sobre a paz o respeto e a tolerancia, no que podedes atopar moitos contos moi interesantes: 

contos para a paz CLICAR

    Estas son as fotos que saquei no patio cuberto,  pendientes de escoller a  cor dos globos dos desexos e con algo de medo escénico. (Pero os voluntarios fixéronno moi ben,  aínda que non se lles escoitase!)

clicar para ver

Wangari Maathai e as árbores da paz

        Este é un conto sobre a historia real de Wangari Maathai, unha muller real, que co Movemento Cinturón Verde logrou plantar máis de 30 millóns de árbores na súa Kenia natal reforestando un entorno devastado pola guerra e que gañou o premio Nobel da Paz no ano 2004.

         Cando lles contei esta historia,  tódolos nenos e nenas que a escoitaron, acabaron con gañas de plantar polo menos unha árbore....


         Salvar bosques afastados de nós está moi ben, pero para que os nosos nenos e nenas tomen conciencia de esa importante necesidade, debemos comezar por plantar unha landra nunha maceta da clase ou unha camelia no patio... Si lle botades unha ollada ao noso patio, podedes ver algunhas das plantas e árbores que, aínda que temos moi pouco espacio, cada promoción foi engadindo ...

¡Agora botade contas ... somos máis de 600!

 Este é o poder real dun libro...

Open publication - Free publishing - More educacion

«Só cabe progresar cando se pensa en grande,
só é posible avanzar cando se mira lonxe».
 José Ortega y Gasset
"Hai un libro aberto sempre para todos os ollos: a natureza".
 Jackes Rousseau