Belén, Lucas e o monstro de cores

  Recibimos a visita de Belén, a nai de Lucas A. que nos veu ler un conto que nos gusta moito: "O MONSTRO DE CORES" de Anna Llenas.  A través del falamos das emocións que sentimos a veces: da rabia, a ira e o enfado representados coa cor vermella, da alegría e a felicidade e a cor amarela, o medo e os temores coa cor negra, a tristura coa cor cor azul e a calma e tranquilidade coa cor verde.... E tamén da cor rosa que representa o amor e o cariño... O ano pasado traballamos este conto e podedes lembralo premendo AQUÍ

  Falamos de cales son as emocións que nos gustan máis, de como nos sentimos a veces ou de como nos parece que se sinten outros, que é unha das cousas que máis nos pode costar: poñernos na pel dos outros para entender o seu comportamento....

 

  Decidimos que as que máis nos gustan son a cor amarela e a verde é decir a ALEGRÍA e a CALMA. A todos lles gusta sentirse así, e aprecian aos nenos e nenas que son capaces de transmitir estas emocións, pero recoñecen que ás veces a cor vermella nos pasa factura como ao monstro desta  historia.

    Moitas gracias Belén por vir a clase e recordarnos este conto e darnos de novo a oportunidade de falar das emocións.

Oscar, Sonia e a Natureza

     Sonia foi a primeira mamá que nos visitou este mes para contarnos un conto que lle gusta moito a Oscar: "La naturaleza". Explicounos o que é, como se coida, os cambios que se producen nas distintas estacións, dos deportes e xogos relacionados coa natureza. E nós falámoslle do noso horto e de algunhas cousas que podemos facer desde a casa ou o cole para respetar e coidar a natureza e o entorno máis próximo: non tirar lixo cando imos de excursión, apagar as luces cando saímos, pechar os grifos para non malgastar auga.... e así moitos pequenos xestos.

 

 

 

Xan Perillán e os monicreques de Kukas

   O pasado xoves os pequenos de infantil fomos ver na Biblioteca a obra "Xan Perillán compra queixo, compra pan" interpretada por KUKAS. Un artista, Marcelino de Santiago,  que leva case 40 anos cos seus monicreques. É unha obra sobre consumo responsable e  hábitos de vida saudable: Xan Perillán é un vello paiaso (os máis pequenos pensaron que era Papá Noel) que vai mercar á tenda verduras, patacas, peixe... e de paso fala  da reciclaxe e da publicidade engañosa. Nesta montaxe podemos ver uns anacos da súa actuación... nunha divertida sesión na que fixo de todo, ata maxia!

 Grazas Kukas!!!

bicis, xogos e bancos no patio

   Dentro da idea do Centro de mellorar e adaptar o patio ás necesidades dos nenos fíxose unha compra de bancos, xogos de parede e bicis para as zonas de recreo. Trátase de que os patios sexan máis acolledores e divertidos e que se cheguen a convertir en zonas donde se relaxen e sobre todo aprendan a compartir.

  

  Aínda que os bancos están nas zonas dos maiores, nós saímos a "estrenalos"...

 

  Desde logo as bicis foron un éxito!. Ademáis de traballar a psicomotricidade e pasalo ben, sírvenlles para "contar as voltas" que dan os demáis...

Antroido: ruada, larpeiradas e baile de disfraces!

    Participamos con todo o colexio na celebración do ANTROIDO  e, para meternos en ambiente, seguimos os mandadiños do Meco. O primeiro día díxonos: o luns comeza con algo na cabeza!

   Ao longo da semana tamén pasamos polo fotocall instalado na biblioteca, onde o escenario estaba transformado e había moitas caixas con roupa e un montón de acesorios que nos puxemos como máis nos gustou para disfrazarnos. Finalmente o venres tíñamos que vir disfrazados do que máis nos gustase.

     Fixemos algunhas fotos todos xuntos e despois fomos de ruada polo colexio para ver os disfraces dos compañeiros... e ensinar os nosos. Cando volvimos a clase puxemos a mesa coas larpeiradas que nos mandastes para compartir e despois fomos ao baile de disfraces no patio.... (en breve haberá unha entrada na web do cole con fotos do baile)

(Moitas gracias a todos pola vosa colaboración para poder celebrar esta semana de antroido!)

Plantamos unha camelia Rosalía de Castro

   Como homenaxe viva a Rosalía de Castro, todas as aulas do Ceip A Maía plantamos unha camelia que leva o seu nome. Foi creada en Portugal por Moreira da Silva como homenaxe á escritora galega. É unha variedade de camelia reticulata de flor doble e floración a mediados ou finais do inverno e color entre vermello e alaranxado. Os buratos xa estaban feitos e cando chegamos escollimos unha das árbores que parecía ter algúns capullos a punto de abrirse. Cando lle quitamos a maceta pudemos ver que tiña moi boas raices, así que supoñemos que cos coidados axeitados medrará ben.

   Antes de plantar a nosa camelia enchemos de follas secas o fondo do burato para que lle servise de abono, despois cubrimos con terra e regamos. Para identificar a nosa entre todas as camelias do cole, rodeamola cun círculo de pedra e pensamos en facerlle unha etiqueta. Agora toca esperar a que medre e floreza! Aquí estamos nós plantando a nosa camelia.

Temporal, laranxas ácidas e macedonia de froitas!

  O temporal arrincounos a árbore grande do medio do horto, e deixouno coas raices ao aire, pero respetou a laranxeira. Fomos ver o desastre e case non se podía entrar ata que os de 3º de primaria fixeron un tunel que nós agrandamos para pasar. 

    Estivemos vendo como eran as raices e sobre todo a laranxeira que tiña moitas polas dobladas pola caída do aligustre. Como estaba chea de laranxas, collimos as que pudemos para clase. Probamolas e vimos que o seu sabor era moi ácido así que as deixamos para facer zume con elas.

  Como na clase tiñamos unhas mazás pensamos en botarllas para facer un postre co zume unha MACEDONIA. Pero con eso só non chegaba, así que fixemos unha lista coas froitas que lle querían botar. Trouxen a maioría das que me pediron e xuntámolas todas. Despois fixemos matemáticas coa froita: contamos, clasificamos, ordenamos por tamaños.... e tamén escribimos a receita.

    Trocearon as froitas con coitelos de verdade e exprimiron as laranxas. Botámoslle algo de azucre para facelo máis doce. Deixámola repousar e comémola!. E coa que sobrou fixemos un BATIDO DE FROITAS con leite sen lactosa!.  A maioría probou os dous postres e gustáronlles moito: sobre todo porque os fixeron eles!.

Títeres en Santiago: Osiño

   Os alumnos de 4 anos fixemos unha saída en autobús a Santiago para ver a representación de títeres de Osiño, pola Compañía Tompicallo no Auditorio de Abanca. A viaxe en bus encantounos e fomos comentando todo o percorrido. Subimos as escaleiras da Plaza de Abastos e atravesámola ata chegar ao Auditorio de Afundación na rúa do Preguntoiro.

 Como antes xa faláramos das partes dun Auditorio sabíamos que tíñamos que sentarnos no patio de butacas para ver o escenario cando abrisen o telón. Non nos tocou o mellor sitio, porque había moitos coles, ademáis algúns somos moi baixiños para as butacas e a obra se nos fixo un pouco longa... O que máis nos gustou foi o decorado, os cambios de estación na árbore e os efectos de luces e sonido.

  Para saber máis da obra e os seus personaxes podedes entrar na páxina da compañía Trompicallo (AQUÍ) na que tamén tedes un pequeno video sobre Osiño. A historia comeza nunha fraga onde Osiño vai medrando, aprendendo e xogando cos seus amigos Porquiño, Coello e os Ratos ao longo das estacións.

O día dos namorados

  O día 14, cando puxemos a data na pizarra, os nenos e nenas da clase comentaron que era o día de San Valentín ou día dos namorados.  Na asamblea intentaron explicar que era eso do amor e de estar namorados, quen se enamoraba  e si coñecían a alguén que o estivese... Algúns deles decían que estaban enamorados de outro compañeiro ou compañeira e outros que o estaban de papá e mamá que eran os enamorados que máis coñecían.... Foi unha maneira divertida de falar das emocións e dos sentimentos. Despois  fixemos estas composicións con corazóns de cores que recortamos e que cada un creou libremente.

Día Escolar da Non Violencia e a Paz

  Estos días no cole estamos traballando o DÍA  ESCOLAR  DA NON  VIOLENCIA  E  A  PAZ, que se conmemoraba hoxe, para que os nosos alumnos aprendan estos valores. Para eles a Paz é un concepto díficil de explicar e a maioría simplificano como "ser amigos", que non está nada mal. Tamén falamos do respeto, da tolerancia e de axudar aos compañeiros. Polo menos a teoría témola moi clara e agora trataremos de poñela en práctica no día a día... 

     

    Para achegarnos a este tema traballamos o conto "NEGROS E BLANCOS" de David MacKee sobre uns elefantes que, por non respetarse, acaban enfrentados nunha guerra con efectos inesperados.... 

    Tamén empregamos varios contos e cortos que temos no Symbaloo da Paz que manexamos na clase: o corto de animación "TOLERANCIA" que só con imaxes e efectos de són narra o enfrentamento entre dous trolls. 

    Ademáis vimos e comentamos unha montaxe de imaxe real na que, en apenas uns minutos, a través de actividades cotiás, son capaces de analizar como lle afecta a guerra a unha nena exactamente igual que eles. (Ata o derradeiro momento a maioría non se decata de que as dúas imaxes son da mesma nena...)

   E dentro dunha actividade proposta polos equi`pos de dinamización do cole recortamos e picamos moitos corazóns para representar o amor e a paz: en tarxetas para levar a casa e para decorar a porta da nosa clase....

( Podedes ver máis información sobre este día na web do cole e o blog da biblioteca.)

E recibimos a visita dos rapaces da clase do profe Ramón que recorreron o cole regalando abrazos! 

Actividades en xaneiro

  Á volta de Nadal tivemos varias sorpresas na clase: a máis emocionante foi que os Reis... ou Papá Noel (para quen fixemos unha chimenea onde colgar os calcetíns) nos deixaron un pequeno agasallo para cada un que foi o que levaron para casa. 

  Tamén tivemos unhas merendas moi doces xa que aínda nos quedaban doces da festa de nadal e fómolos repartindo ao longo de varios días.

 A outra foi que, POR FÍN, despois de moito esperar e moito pulverizar cada día, nos  naceron as setas que nos enviara Cristina a nai de Leo en novembro.